انا وبنتى ام ست شهور ؟؟؟؟؟

أولا الله يخليها لج و تشوفينها عروس إنشالله
ثانيا صديقتي الأم ماتحتاج إنها تكون شايفة أطفال عشان تعرف شلون تتعامل معى أبناءها
و بعدين تقدرين تلعبين معاها بدون مناقز يمكن الألعاب ممكن تساعدك و بالذات الألعاب التعليمية و تقدرين بعد إن تغنين لها أي شي يطري علاباج من حجي و اللة راح تستانس
أنا ولدي عمرة سنة و نص تصوري بس أغنيلة يستانس ولو تسمعين الغنية و لا الصوت بتضحكين بس أقولة جسومي ياحياتي و جسومي يا غناتي و جسومي يا حبيبي
و أهم شي حاولي تخلينها تحب البييبي اللي ياي و ما تغار منة
:32:
و بالتوفيج إنشالله

jowree......... تسلمين حبيبتى ... ادرى الام ماتحتاج تشوف يهال ثانين بس وايد احس بتأنيب الضمير لما اشوف عماتها يغنون لها اغانى والا اللى عندهم عيال لانهم حافظين هالسوالف ويعرفون شلون يتعاملون مع اليهال بس انا للاسف ميييييييييييح

وان شاء الله متأمله ماتغار من اللى ياي لانها راح تكون حيل صغيره ماتفهم ... ان شاء الله يكونون ربع :27:

السلام عليكم

عزيزتي مريت بنفس المشكلة في اول طفل لي

واول ما عرفت اني حامل

شريت عدة كتب في التربية وهات يا قراءة

وطبعا كتب عن كيفية الرضاعة والحمام وكل شي

وفي موسوعات لكل المراحل

وكل ما يصير شي اراجع بالكتب

حتى صارو يحكو عن ابني طفل على الكاتالوج

والاغاني عادي اي شي من امه يجنن

ولا تبعدي عنه وتتركيه للشغالة

تراك راح تندمي

ابنك مسؤليتك اهتمي بكل تفاصيله

والاكل كمان موجود باي كتاب عن الاطفال

والالعاب بعد

عيشي طفولة ابنك

هاي اجمل الايام

في امان الله

عزيزتي..

هذه فرحتك الأولة..وبداية تكوين أسرة..لاتخلي الايام هذي تعدي وتمر مرور الكرام..الحمل اللي تعبانة منه الحين كنتي من قبل حاملة فيها..واتحملتي كل شي عشانها والحين نتيجة التعب جاكي بنوتة ربي يحميها ويخليها لك..

الشغالة تسرق دورك بهدوء وانتي راضية...وهذا اول امتحان لكي..كيف يهون عليكي طفلتك بين ايادي شغالة؟؟؟مهما كنا نحترم الشغالة ونثق فيها لكن في حدود لمسئوليتها في البيت..وقت مايوصل الامر لفلذة كبدك هنا اوقفي مع نفسك وقولي لا والف لا...

عزيزتي..انتي جعلتي من بنتك مشتتة المشاعر..متعلقة بمن يحن عليها أكثر..ممكن تقولي انها بيبي بس لما تكبر باذن الله حتكون مع اللي يدللها ويراعيها فقط..

عزيزتي اللعب ما يبغاله شي..جلسيها في كرسيها قدامك واجلسي جنبها حركي العابها قدامها..ومهما كنتي تعبانة فيه ساعة تكوني مروقة فيها ومزاجك تمام

خصصيلها هذي الساعة..والأكل ايش يبغاله؟؟؟فواكه في الخلاط..اذا عندك سيرفيس صغير جنب غرفتك حطي فيه خلاط صغير وانتي جالسة قشريلها فواكه..كمثرى وتفاح وموز واخلطيهم وأكليها..نفس الشي مع الخضار اغليها واخلطيها

أنا ضد الوحدة اللي تتكلم في المجالس جيبي عيال ورا بعض يتربوا مع بعض وترتاحي و و و وفالنهاية مرميين على الشغالة..يعني احنا بالضبط وعاء تفريغ ليس الا؟!

اكيد انتي غير ونفسك تسوي شي بدليل احساسك بالذنب شدي من همتك والموضوع بسيط يبغاله خطوة منك

ربي يساعدك :26:

واحة الامل.... تسلمين عزيزتى على المشاركه بينى وبينك انا شريت كتب بس تلاقين فى الكتب بعض التناقضات والناس اللى حواليج يقولولك كلام ثانى .. خصوصا بأول بيبى لان ماعندك خبره ممكن تتوهين مع كلامهم


**بشايـــــــر**.............. كلامك صحيح عزيزتى ... شغالتى فيها ميزه وعيب بنفس الوقت انها دارسه ومتخصصه بالاطفال علشان جذيه عارفه اشلون تتصرف مع بنتى اكثر منى والشغله هاذى الحمدلله زينه من ناحية انى اروح الدوام فأأمن على بنتى معاها خصوصا انى راقبتها جم مره وبالها وسيع مع الاطفال لانها مربيه من قبل بس بنفس الوقت احس انها جاذبه بنتى اكثر منى

الحين انا فى اجازه علشان جذيه قاعده احاول اقعد مع بنتى اكبر فتره بس مشكله انا حملى شويه متعب يعنى لازم ارتاح وماتعب روحى بالمره
ولانى ابى اقرب من بنتى سألتكم النصيحه وماخاب من استشار
وبالنسبه ليش حملت ورا بعض فا صدقينى مالها علاقه بالاسباب اللى قلتيها ظلمتينى صراحه
:17: