انا وبنتي

السلام عليكم ورحمة الله وبركاته
اخباركم ياحلوين
بقولكم سالفتي انا وبنتي
انا بكر يعني ماعرف للاطفال وبنتي عمرها تسع شهور مشكلتها نحيفه مره وزنها سبعه كيلو كل من شافها جلس يهاوشني على بالهم اني اقدر اسوي لها شي مع انها ترضع كويس وتاكل بس مايبان عليها واذا شافت الاكل تجلس تبكي وتصارخ بكلمات ماهي مفهومه يعني تبي تاكل حتى اتفشل عند الناس اول ماتشوف سفرتهم تبدا بالموال واذا شافو اكلها يقولون مايبان عليه اخاف عليها
وثاني شي بنتي تجلس واذا حطيتها بالمشايه تركض فيها وتدور بكل البيت بس ماتنقلب واذا قلبتها على بطنها اتضايق وتبدا تبكي هل هذا عادي
وشي ثاني اذاكانت عند عمانها يأكلونها اي شي ومن اكلهم يقولون خليها اتعود على الاكل وانا اخاف عليها اكل الكبار ثقيل على ماعدتها حتى انها اتقهوى معهم قهوه وتشرب شاهي والحين اذا شافت الشاهي وهي مشايتها جتني ركض ادري بتقولون مخرب طبعها ومدلعه بس وش اسوي