انا وبنت عمي

والله ماادري كيف ابتدي مشكلتي محتاره مره وموشوشه ولا ادري وش اسوي
السالفه ومافيها انه بنت عمي زي اختي واكثر لانه ماعندي خوات فقط اخوان واحنا من عمر بعض ونموت ببعض طبعا عايلتنا ماشاء الله من الطبقه المخمليه زي مايقولون يعني اغنياء بس مافي شي يدوم غير وجه الله سبحانه وتعالي
ابوي يشتغل بالعقارات وقدر الله عليه وخسر خساير مو قليله وضعنا تدهور كثير الحمدلله بيتنا ملك وعندنا ناكل ونشرب بس الوضع مو مثل قبل ابد اخواني صغار مايشتغلون ولا في دخل غير الي ابوي يطلعه من العقارات غير الديون الي صارت علي ظهره
بنت عمي توها عاطيتني هديه اسواره ذهب سعرها قريب ال3800 ريال طبعا بدال ماافرح فيها قمت ابكي مااعرف كيف برد لها الهديه حتي ابوي جاه الهم من هالسالفه هو مره متحسس ولا يبي عمي يعرف وضعه احنا عايشين عادي وطبيعيين بس لو احد يدري عن وضع ابوي ممكن ابوي ينجلط لانه عزيز نفس مره ومايبي احد يساعده لو احد يمد علي ابوي قرش والله انه يذبح نفسه ويحس نفسه ذليل ابوي واعرفه
وهذي بنت عمي ياما هدينا بعض من قبل وارد الهديه باحسن منها بس الحين الوضع تغير امي معاها قولون وصارت تتلكع وتتحجج انها دايم مريضه وماتروح مناسبات وقليل تستقبل عشان بس توفر لا تعطي احد هدايا ولا احد يجيب لها شي ولاملابس ولا كوافير وخساير وانا ماعندي غير بنت عمي هذي ماتقصر بس ابي طريقه حلوة عشان تنقطع الهدايا بينا بدون لا تحس بشي عن وضعنا وتعلم ابوها ياريت تساعدوني وبنفس الوقت ابي ابيع الاسواره واعطيها هديه منها وبنفس الوقت اعطي الباقي ابوي بدون لا هي تحس
وادعو لنا انه وضع ابوي يتحسن وربي مهمومين ومالنا احد غير رب العالمين