fatoomah123

fatoomah123 @fatoomah123

كبيرة محررات

انا وجارتي الجديده وش الحل

الأسرة والمجتمع

السلام عليكم ورحمه الله وبركاته
مالي بالمقدمات يابنات بس من 5 شهور سكنت جمبي جاره جديده وحبوبه مره وماتقصر من اول يوم سكنت طرشت لي ولدها بصينيه حلا ورقمها وتواصلت معاها وتجي عندي واروح لها والعلاقه ممتازه الي صار انها مره تشكت لي من زوجها هو مو مقصر ماديا بس مايحب المشاوير وقالت لي استاذني من زوجك اذا بتروحون السوق خذونا انا والعيال معاكم محتاجه شغلات ضروري
وقلت لزوجي ووافق لانه خدوم بطبعه وحبينا نخدم جارتنا وراحت معاي وقضت الي تبيه ورجعنا بعد 3 أسابيع رجعت طلبت السوق وكنا رايحين واخذناها هي وعيالها وصارت عارفه الروتين حق زوجي انه يوم الخميس لازم نطلع نتمشي احنا والعيال وتدق تقول ها اليوم علي وين وكذا ومره ومرتين و3 تجي معانا مره ملاهي ومره مطعم ومره سوق وهاكذا زوجي مل منها يقول السياره ضيقه وعيالي يقعدون فوق بعض وثانيا الله يهديها لا رحنا مكان مره بطيئه احنا نتسوق ونخلص وهي لسه يعني اذا بنرجع الساعه 10 نرجع 11 بسببها وكذا مره أقول لها خفي رجلك يافلانه وكذا وهي بطيئه وزوجي بدا يتضايق منها
واخر مره من 3 أسابيع راحت معانا سوق وتسوقنا وخلصنا وركبنا السياره وبنص الطريق قالت نسيت كيس التسوق بالمحل الفلاني وفي أغراض ب650 ريال تكفي ارجع يابو فلان وكنا وصلنا نص المسافه ورجعنا واخذت الكيس وراحت محل بعد وزوجي فقع مره وغسل شراعي بالبيت ومن بعدها حلف ماتركب معاه
من يومها كل ماتسال أقول لها بتروح معانا اخت زوجي ومافي مكان مره ومرتين لين هي شكلها حست وزعلت والحين ماتكلمني مره رسميه معاي وانا بعد مطنشتها بس هي حبوبه وعلي نيتها وش اسوي ماودي اخسرها انصحوني كيف اتعامل معاها
ملاحظه المعرف مشترك
90
26K

يلزم عليك تسجيل الدخول أولًا لكتابة تعليق.

تسجيل دخول

بوح المساء
بوح المساء
معليش حبيبتي هذي صاحبة مصلحة مو طيبة وعلى نياتها ..... يعني ياتاخذونها معكم أو تزعل عليك
طنشيها وريحي رأسك
تطلب لها سواق مشاوير وتقضي نفسها
يغار الحلى 3
يغار الحلى 3
اممما اخر زمن اركب معاي جارتي و اخذوها لسوق لو مستشفى شي فيه فزعه ضروري مااقصر بس خرابيط مالها داعي عساها مارضت تزعل و ترضى و زوجها كيف موافقلها تركب معاكم و بعدين انتبهي ل زوجك ترا يمكن يعجب فيها و بجسمها و كلامها و تطلق و تجي ع راسك
نصيحه لك لا عاد تركبيها الا مستشفى فقط والله معاك
بتلااات وردية
بتلااات وردية
ماغلطتي بس هي الله يهديها زودتها
لو انكم تروحون مع سواق عادي بس مع زوجك ابداً مالها داعي
ماقصرتي فزعتي معها في البداية بس تمادت وزين انك وقفتيها عند حدها
دام عادي تركب مع ابو الجيران اكيد زوجها ماراح يرفض انها تروح مع سوا
أسيرة2017
أسيرة2017
مدري وش تحس فيه بالله
رجال بيطلع مع حرمته ويستانس مع عياله وهي رازة وجههها؟
لا واللي يغبن زوجها شلون موافق انها تطلع مع رجال غريب الملاهي والسوق حتى لو معاه زوجته
الزبدة زوجك من حقه يمل ويزعل اوك تاخذونها مرة مرتين لكن على طول ما يصير
احسن شيء طنشيها ومتاكدة انها فترة وبترجع
آمُـ‘ـُآنُـ‘ـُيُ
احس صعبه هو لو سواق عادي بس مع زوجك والله صعبه وزوجها خليه يوديها انتي مو ذنبك اهم شي زوجك لايتضايق منها