انا وجارتي في نهار رمضان

الأسرة والمجتمع

السلام عليكم ورحمة الله وبركاته

شهر مبارك عليكم وكل سنه وانتم طيبين

بإختصار طبعاً احنا في شهر فضيل والكل عارف ان من عادات رمضان كل وحده ترسل لجارتها صحن :7_2_103v:
تذوقها من الحاجات اللي مسويتها ودحين اقولكم ايش صار معايا بالزبط :

قبل أيام ارسلت لجارتي أكل على وقت الأذان يعني تقريبا عند الإقامة
خليت ابني يروح يصلي وقلتلو طلع هادا الصحن لأم فلان
بعد نص ساعة تقريباً الا وجارتي تدق عليا ومسويه فيها نصيحة اخوية :44:

قالت: يام فلان بقولك شي بس بدون زعل انا ملاحظة عليكي ترسلي الصحن بعد الفطور
وحتى زوجي لاحظ وقال كأن ترسلون لنا الفضلات ..>>طبعاً انا انصدمت :blink:

قلتلها: انا مافطر الا بعد الصلاة يأذن أكل تمر ومويه وبعد ماصلي نقوم نأكل ..<<وحده طيبة وهبلة وماتعرف ترد:(

قالت: لا انا من زمان ملاحظة عليكي... وانتي ماتلاحظين علي اني ارسلك قبل اذان المغرب
ترى هالمره لان أبو فلان اللي فتح الباب وهو اللي تكلم وقال عيب
فأنا معتبرتك اختي وعشان كدا اقولك انو عيبة العيب انك ترسلين بعد الفطور..

قلتلها: ياختي تمام انك نبهتيني وكل واحد له عادات بس انا والله مارسلت الا قبل لا ناكل ...

المهم

جارتي قفلت وانا حسيت اني مقهورة من قلب والله
المشكلة والله الشاهد على كلامي اني ماسويت الا عشانها وبالامانه اخذت الصينيه الكبيرة من اختي
وأكبر دليل اللي هي شافتو بعينها اني ارسلت الأكل ولسى نااااااااااار من الفرن >>نسيت اقولها هالنقطة
وغير كدا الوحده ساعات قبل لاترسل تحب تذوق الاكل حلو والا مو حلو عشان ترسل
والا برضو ساعات مايمديكي تكوني مخلصة الاكله ياذن ولسى مو جاهز فهي ليش ماخلت الاحتمالات هادي في بالها
لا والمشكلة اني متجملة معاها وفوق هادا اجي وأحصل كلام منها ،،
وماقول اني مره تأخرت على وقت الصلاة كيف لو ارسلتلها على و وقت العشاء شكلها حتنزل تضربني بالعصا :09:
وصراحه انا اللي اعرفو ان الأكل لما ينرسل من باب الكرم يعني مني مجبرة عشان تقولي كدا !
وليش سوء الظن في الناس حتى وانا كان بقي عليا وزاد علينا فين المشكلة بما أن الأكل نظيف :(

ابغاكم ياخواتي تقولولي
معايا حق لما أزعل والا هي معاها حق
وهل انتم فعلاً لكم عادات زي كدا والا لأ ؟؟
ومادري ارسلها تاني والا بلاش بماأنهم يدققو على الفاضي والمليان
شيرو عليا وخصوصاً سبق واعطت تعليقات لبقية الجيران
الأخت الله يهديها تبى تمشي الناس على كيفها
ابغى كل وحده تحط نفسها بمكاني وتقول ايش راح تسوي ؟؟
وابغى اسئل كل وحده فيكم ادا جارتها ارسلت لها صحن بعد الفطور عيب والا مو عيب؟؟

واكون شاكره لكل من يخط قلمه في صفحتي
بارك الله فيكم
81
10K

يلزم عليك تسجيل الدخول أولًا لكتابة تعليق.

تسجيل دخول

الصباح الوردي
انا صراحه راح اقول رايي هو انك ارسلي الاكل قل المغرب لانه ياختي الوحده ماتعرف طبع كل جيرانها يمكن هم من النوع الي ياكلون كل شي مع بعض اقصد قبل الصلاه اتني ارسلي بدري وهم بطريقتهم ارجو انك فهمتيي بس هذا مايدل على انك اني او هي غلطانين بس اختلاف في العادات بس مو مشكله احتسبيه اجر ياختي ولا تزعلين منها عادي ارجو انك فهمتيني
عضوه عالم حواء
خلاص ياقلبي لاترسلين لها واذا ودك بعمل الخير وتتحملين اللي بيصير ارسلي لها
قبل المغرب بساعه اكيد يكون عندك ششي جاهز بهذا الوقت
ومع هذا اتوقع راح تلاقين مشاكل والا اقولك ارسلي لجيران غيرها
ياقلبي شكلك اجودية ليتك جارتي ارسلك وترسلين لي
nor-alGomar
nor-alGomar
احنا طريقتنا مثلكم نفطر بعد الصلاة
ونصيحتى لك .. علشان ماتضايقين ... طولى بالك واتصلي فيها وفهميها قولى لها انا تفاجأت بكلامك لى
ووضحي لها كل شى ولاتخلين شى بقلبج اهيا ماستحت منك ليش تستحين منها ؟؟؟
علشان تصفا القلوب وخلاص عرفتى طريقتها دزي لها الاكل قبل الاذان ...
وفهميها وقولى لها احنا نصلي ونفطر على راحتنا وانا دزيته لكم على وقت الاقامه متى مداكم تفطرون ؟؟؟؟
والله يزيدج من كرمه واحتسبي الاجر
ألمـاسة
ألمـاسة
ياعمرررررررررري والله بصراحه حسيت انك طيييييبة مرررررره

الله يسعدك
حلايا غير
حلايا غير
ياعمرررررررررري والله بصراحه حسيت انك طيييييبة مرررررره الله يسعدك
ياعمرررررررررري والله بصراحه حسيت انك طيييييبة مرررررره الله يسعدك
الموضوووووووع عادي جدا بتتعبين لو بتحاسبين على كل شيء

ملاحظه عجبني في الموضوع كله لهجتك الحجاااااااااااااااااااااااااازيه ليتك جاااارتي ابغا من مخلالاتكم بس

لالا كماااااااااااان لحم بالعجين ولوممكن ؟؟؟؟؟؟؟؟؟استحيت ابغا اوسع صدرك



حبيتي وسعي صدرك والناس طباع وعادات ان كان عند جاااااااااااره قبل كم سنه والله العضيم رجعت الاكل اللي ارسلته تقول مااحنا محتاجين

هيا ايش رايك باااااااااااااااااااااااااااااااي