في برنامج في الايباد لحفظ جدول الضرب

مثل بنتي
اذكر ايامنا كنا نحفظ حفظ اما الحين علموهم على الشبكات والصحون مدري التعليم كيف صاير

حبيبتي ماعندك الا انه يحفظه صم
انا مانفعت مع عيالي الا هذي الطريقه
خليه يحفظ كل يوم جدول صم
وانتي يوميا سوي اختبار اكتبي مسائل ضرب وهو يحل لين يترسخ
سهله تره الاطفال بسرعه ماشالله يستوعبو
وتره بس يحفظ 3 و4 و5 و6 و7 و8 و9 وبس
وكل ماحفظ جدول كافئيه بلي يحبه
خليه يحفظ لا تضيعي وقتك تدوري حلول محد ينفعك

السلام عليك ورحمة الله وبركاته
حياك الله اختي / تغاريد
هدّي نفسك يابنت الحلال ترى الموضوع بسيط اهمّ شيء لاتنعكس ردة فعلك هذي على ولدك بطريقه سيئه على حساب نفسيته المسكين ترى لساعهم اطفال في ناس كبار في الجامعه الى الأن الواحد فيهم ماهو حافظ جدول الضرب فما بالك طفل صغير
اختي اهم شي تعلمينه كيف يعرف يحل المسئله حتى لو عن طريق الأله الحاسبه
بعدين حفظيه جدول الضرب
لأنك لو بتستني ايلين يحفظ جدول الضرب رايحه تفوته دروس كثيره
عندي بنتي زي كذا جننتني على بال ماحفظته عن طريق نسخ الجدول يومياً ٣ مرات لمدة اسبوع
يعني كنت اعطيها جدول ٢ و ٣ تنسخ كل واحد ٣ مرات يومياً لمدة اسبوع ونهاية الاسبوع اراجعه معاها وكنت اوعدها اذا حفظته لها مني هديه
تعرفين عاد ضرورة عامل التحفيز عند الاطفال عشان تتشجع للأسبوع اللي بعده
لجدول ال ٤ و ٥
ملاحظه / في خلال الاسبوع الثاني كنت اعطيها يوم بعد يوم جدول الاسبوع اللي قبله تحله
عشان ماتنساه
لاكن جدول ال ٦ كنت اخلي له اسبوع لوحده
وال ٧ نفس الشيء اسبوع لوحده و ٨ نفس الشيء و ٩
لأني كنت اراعي مدى تحمل استيعابها للحفظ تعرفين الأطفال ماهم سوا يختلفون من طفل للثاني بنسبة استيعابهم
بتقولين على كذا ينتهي الترم الدراسي وهو ماحفظ
بقولك ماعليه اهم شيء اني راعيت وضع بنتي وماجاملة المعلمه على حساب ان بنتي تتعقد من الدراسه او حفظ جدول الضرب ..
خليها تنقص في درس ولا درسين
اهم شيء نفسيتها ماتتحطم والمعلمه اكيد رايحه اكون متواصله معاها عشان افهمها الوضع وماتفتكر انه اهمال مني او من بنتي
اهم شيء اطلع في نتيجه مضمونه والحمدلله ماجا الترم الثاني غير بنتي حافظه الجدول
لأني حتى في الاجازه بين الترمين وانا عند اهلي ماوفرتها كنت اراجع لها الجدول عن طريق التسميع في فترة بسيطه من النهار كانت تقولي ياماما احنا في اجازه واقولها ماعليه مايمنع انك كل يوم لمدة نصف ساعه اراجع معاك الجدول عشان ماتنسي ويروح تعب الفتره اللي فاتت على الفاضي
وبكذا الحمدلله بنتي حفظت الجدول في خلال شهر ونص بفضل من رب العالمين اولاً واخيراً ثم النسخ المكرر يومياً والتكرار من فتره لفتره
هي ذحين سنه خامس والحمدلله من فتره لفتره ارجع اسمع لها الجدول عشان ماتنساه تعرفين لابد من المتابعه
ونفس الشيء ينطبق على الحروف الانجليزيه ...
جربي اعطيه جدول الضرب هذا بالصور
سهل ومريح للنفس بالنسبه لسهولة التصميم والألوان كمان اطبعيها له كل جدولين في صفحه وحده
مثلاً ال ٢ و ٣ صفحه
و ال ٤ و ٥ صفحه
وال ٦ و ٧ صفحه
وال ٨ و ٩ صفحه
انا استثنية ال ١ و١٠ لأنهم سهلين مايبغالها
تفضلي الجدول













أتمنى ان تكون المعلومه وصلتك بكل وضوح ...
بالتوفيق يااااارب .

الله يكون بعونكم والله جدول الضرب اصعب شيء على الطالب الموضوع بدو مداومة واختبار يومي والله يوفقهم