ياحياتي الله يسخركم لبعض
شوفي حبيبتي اغلب الرجال كذاااا على نياتهم
بعدين احمدي ربك...ترى مايعرف الكلام المعسول والحلو الا راعين البنات والمكالمات((طبعا ماعمم بس الاغلبيه)))
هذا بحد ذاته يطمن
على الاقل اعتبريها ميزه ماهي عيب
ثاني شي سالفة الذهب والمهر خخخخ يختي يرجلك يحب يتفلسف وترا هذا مو بخل بالعكس البخيل يسكت
هذا مسوي فيها فاااهم ويعني شوفيني اعرف افكر ايقاله نبهك على شي انتي غافله عنه
تلاقينه وقتها ينتظر ردك يكون((اييه صح والله انك صادق ماشالله عليك)))
خخ وانتي فسرتيها بخل
اما الشبكه اللي تفشل يختي الناس اذواق تلاقينه يحسبها حلوووه
وعمووووووووووووووما الرجال مايحبون الميك اب ولا الفساتين
يعني انتي بالله تفرقين بين نوعية الاشمغه والثياب الرجاليه تراهم هم كذا
والله مايدري اذا انتي لابسه اخر شي نازل بالسوق او اقدم شي عندك بالدولاب
الا اذا كان راعي بصبصه ويفصفص الحريم بكل مكان((سوق..تلفزيون...الخ)))
الحين انتي وش دورك
غرقيه بالكلام الحلو يختي خليه يحس انك بنــت انتي الحين معصبه عليه وهذي ردة فعلك انك طنشتيه وحارمته من الرسايل الحلوه والكلام الحلو
وهو تلقينه يقول بنفسه وشي هذي اللي انا ماخذها
زي مانتي تسمعين عن ايام الملكه ترا هو يسمع
بس انتي تسمعين عن الرجال وش يسوون لحريمهم
وهو يسمع الحريم وش يسوون لرجالهم
وتشتغل المقارنه
انتي تقولين ماسوا
وهو يقول الادميه اللي عندي غير
يختي سمعيه كلام عمره ماسمعه انتي عيشيه جو حلو وبالتالي بينعكس عليك
يعني بيفقدك بيشتاق
بكل بساطه لانك عودتيه على الكلام الحلو صار يحب يكلمك فيه شي يشده لك
وبما انه مواضيعكم عااامه اكيييد ماراح يشتاق
لانه يقدر يتكلم بهالمواضيع مع اي احد
يعني مافيه شي يفقده
اما السوالف الجريئه جينا لمربط الفرس
((لو زوجك راعي بنات كان تلاقينه كلللللللل كلامه وحركاته وكل شي يدل انه مييييييييت عليك وهو لا ميت ولا شي بس عشان يوصل لهالكلام.......بس زوجك خخخخخ واااااااضح انه بررررررررررررريء والدليل على طول تكلم بالموضوع الاساسي بدون مقدمات....وبما انكم مابينكم مواضيع خاصه واشواق وكلام معسول اكيد يبي يكلمك بهالموضوع اللي انتي تستحين منه لانه مافيه غيره خاااااص
لان كل المواضيع عادي يقدر يتكلم فيها مع اي واحد من الشباب)))
نصيحه اخيره
حاولي تتقربين لزوجك
حببيه بنفسك بأسلوبك بكل شي فيك
وشوي شوي
راح تلاقينه زي ماتتمنين
مع الدعاء والاستغفار كل شي يصير
وترى مشكلتك هييييييييينه بس انتم توكم مافهمتوا بعض
رجلك مايعرف يجامل
ويطقها بالوجه
هذا لو يقول كلام حلو
تاكدي انه صادق وطالع من قلب
تمنياتي لك بحياة سعيده
واولا واخيرا تراها وجهة نظر
ياحياتي الله يسخركم لبعض
شوفي حبيبتي اغلب الرجال كذاااا على نياتهم
بعدين احمدي ربك...ترى...
ويطقها بالوجه
والله انك صادقه
مايعرف يجامل وبقوة
بس هل اسوي زيه واطقها بوجهه؟؟