انا وخالتي :(

السلااام عليكم
ابي رايكم في موضوعي بكل صراحه وبدون مجامله انا اخت وبنت لكم وعارفه انكم ماراح تقصرون

السالفه ومافيها انا عمري 22 ومتملكه على واحد مطلق والحمدالله متفاهمين ومرتاحه له ومرتاحه معه وهو نفس الشي المهم جتنا خالتي اليوم للبيت وقامت تهاوش تقول انتي توك صغيره وكيف توافقين على واحد مطلق كان صبرتي يمكن يجيك واحد احسن منه ومن هالحكي قلت ياخاله الرجال مايعيبه شي اذا كان على خلق ودين قالت يمكن يكون فيه الف عله ماتدرون عنها قلت لو الرجال فيه عيب ماخطب مره ثانيه ولو فيه عيب مايعطينا رقم طليقته واهلها ويقول اسألو عني وعن سبب طلاقي والحمدالله نعرف اخواته هم ناس اجاويد قامت خالتي وزادت بالحكي انقهرت منها قلت ياخاله انتي تطلقتي مرتين والسبب انك شيطانيه مع اهله وبنتك تملكت وتطلقت في ملكتها قالو الناس فيها عيب ماشاء الله تزوجت من واحد والنعم فيه وعندها الحين بنت نفس القمر الله يخليها لها قلنا في بنتك عيب قلنا الله يوفقها وماطلعنا عليها حكي وساكتين وانا كنا عارفين كل شي المهم قلت وماتدرين وين يكون نصيب بنتك الثانيه فيه يمكن يكون مع واحد مطلق ويمكن يكون مع جاره والله يرزقها بالرجال الصالح وماتكون مع جاره قامت خالتي ازعلت مني ومن كلامي ياناس انا ماغلطت هي جايتنا في بيتنا وتهاوش وتسب انا الحمدالله راضيه بنصيبي والله يوفقني ويسعدني ويسخره لي واهلي من النوع اللي مايردون اذا جاء احد واسألوا عنه خلاص مايكون عندك سبب للرفض وانا شفته ومرتاحه له بس مدري انا غلطانه بكلامي او لا؟ اقسم بالله من طلعت وانا ضايق صدري ليش الناس كذا قولي الله يوفقك وبس هذي تغنيني عن كل شي :44: