اختي المشكله انك كتير طولتي مده الخطبه قبل كتب الكتاب يعني 3 سنين كتيييييييييييييير يعني حطي هاي الشغله ببالك الشب استناكي 3 سنين لتخلصي يعني 3 سنين من عمره ووافق على شرط اهلك لانو رايدك وبده اياكي (( وعلى كلام اهلك بنات الحلال كتار)) بس هو اختارك انتي واستناكي
ثاني شي مادام بحبك هدا شي اساسي بكره بهنيكي وبسعدك وراح يحاول يسعدك لانه بحبك..في مقوله بتحكي خدي الي بحبك ولا تاخدي الي انتي بتحبيه ..لانه معروف بس الرجل يحب بحب من قلبه مستحيل يخون او يزعل حبيبته بس اذا الوحده هي الي بتحب راح تسير زي الهبله وزي الخاتم باصبعه وهاي نقطه لصالحك
البخل والكرم شي اساسي ..بس انا بنظري خطيبك مو بخيل خطيبك ماديته ضعيفه وهو خجلان منك..انا ضليتني 8 شهور مخطوبه عمره خطيبي ما شحنلي ولالالالالالالالا مره حتى بتصل فيه كنت من رصيدي بس بعد الزواج بطلب منه يحولي او يجيبلي كرت عطول بجيب...فهو بحولك على اد امكانياته 20 او 30 انا هلا زوجي بس يحولي رصيد بحول 20 وبضل معي الرصيد اسبوع وبس يخلصو بحولي كمان ...وهيو على كلامك بحولك من دون ما تطلبي حتى لو مبلغ قليل بس هيو بحاول مفروض انتي بشطارتك تحكيلو ناقصني هيك او حولي هلاد ..ومو حلو تحكيله بابا حولي ميه اياكي تقارني بين ابوكي وزوجك وادخليهم بمنافسه ..وللعلم راتب 6000 مع ديون يمكن ما يضل اله من الراتب غير 2000
كمان شغله بتحكي بضل يكذب مو بالشرط كذب ممكن تكون احلام وافكار واماني هو حابب يسافر وحابب بعفش البيت من المحل الفلاني لا تاخديه كذب يمكن هو نفسه بس امكانياته ما تسمح
ومن ناحية الشكل في كتير ناس حلوه بس اخلاقهم شنيعه وناس مو حلوين او عاديين ويكونوا بقمة الاخلاق ..لا تركزي عالشكل كتير اهم شي انتي تكوني متقبلاه وحباه
وعلى فكره من ناحية الوظيفه والشغل بدري كتير على الكلام فيه واذا صار حكي خليكي واضحه يعني مثلا اذا توظفت راتبي كله راح احطه اقساط بيت وارض باسمي هيك بتضمني مستقبلك وبتفهميه راتبك الك وبس
وطبعا لا تنسي تصلي صلاة الاستخاره وتهدي شوي على حالك لا تفكري كتير وتحللي كتير انتي بامكانك وبشطارتك تكسبيه وتكسبي قلبه وتخليه يكون على طبيعته
الله يوفقك ويسعدك
اختي المشكله انك كتير طولتي مده الخطبه قبل كتب الكتاب يعني 3 سنين كتيييييييييييييير يعني حطي هاي...
^
صادقه