انا وخطيبي

السلام عليكم ورحمة الله وبركاته
انا موضوعي محير شوي وبصراحة مش عارفة شو أعمل:44:
انا انخطبت بشهر سبعة السنة الماضية :icon28: خطيبي من عائلة محترمة جدا وهوه انسان محترم وعلى خلق والحمدلله بصلي وبخاف ربنا أول ما خطبنا كان شغلو ولله الحمد ممتاز وبعد شهرين من الخطبة صار عندو مشكلة وترك الشغل:( ومن هون بدأت المصايب كل شغل يروحو اما انو يكون مش كويس أو الراتب فيه معدوم وخطيبي بدو دخل مشان نقدر نفتح بيت ونأثثه :( غير شغلو لحد الشهر الماضي أربع مرات ما قدرنا نحوش اشي ولا نشتري اشي للبيت وآخر شيئ هلأ هوه اشتغل شغلين ولله الحمد والوضع صار جيد بس المشكلة انو مو باقي على عرسنا الا شهر واحنا لهلأ بس استأجرنا بيت بس ما حطينا فيه اشي لسة كل الأبواب سكرت في طريقنا أهلو كلهم أوضاعهم ممتازة بس ما حدا بساعد التاني وابو بحكيلو زي مانا تزوجت لحالي انت تزوج لحالك :(
والله يابنات كل يوم ببكي :icon33: المشكلة انو كل الناس عرفت انو عرسنا قرب والكل بسأل شو عملتو وشو سويتو وأنا محروقة ومهمومه :44: بفكر نأجل العرس بس شو راح يحكو أهلي وشو راح تحكي الناس مش راح نخلص
والله اني من يوم ما خطبت وهوه بحاول يرضيني ويجيبلي كل اللي بدي اياه بس ظروفو ما اجت زي ما تخيلنا


والله من قهري عليه بفكر اتركو وبقولو لو انا مش بحياتك ما صار فيك هيك :icon33:
انا على طول بفكر انو وجهي مش منيح عليه حسيت حياتو تغيرت من يوم ما خطبني وانا والله بحبو وما بدي غيرو بس تعبتو معي :( وهمومه كبرت وكل ما احكيلو خلينا نترك بعض بيحكيلي انتي بتحسسيني بضعفي ليش :icon33:

يابنات والله بحبو وخايفة كتير تدمر حياتو اكتر من هيك خايفة اكون أنا السبب بقلة رزقو
والله ما بدي منكم الا الدعاء الله يصبرني ويرزق خطيبي .يمكن تقولو الموضوع مش مستاهل بس والله اني بحاله نفسية محطمة
كل اللي خطبو معنا السنة الماضية بجهزو لبيوتهم ومنهم تزوجو ادعولي ولخطيبي الله يرزقنا

يارب يكون وجودي بحياتو نعمة الو مش نقمة ادعولي يابنات



الله يريح بالكم يابنات ريحتو بالي مشكورين الله يرزقكم وييسر أموركم وكل وحدة دعتلي يارب الملائكة تقولها ولكي مثلها الله يفرج عليكم ريحتو بالي