انا وخطيبي سالفتنا سالفه , انفصل او استمر ؟

السلام عليكم

انا ان شاء الله زواجي بعد شهر بس مضايقتني اشياء كثييييييره بخطيبي ( ملكنا قبل 3 شهور يعني صار زوجي بس بقول خطيبي لان توه العرس ) بقول لكم كذا موقف واشاوركم بكذا شئ وابيكم تعتبروني اختكم


اول شئ عندي سؤال بشاوركم فيه :

1- انا سويت عملية بوجهي لعيب خلقي ومانجحت للأسف طبعا كلفتني مبلغ وقدره والدكتور قال لي نعيدها لك بس طبعا راح تكلف مبلغ وقدره , وزوجي بيطلع لي تأمين صحي لان بوظيفته يعطون لزوجته وعياله تأمين
المهم رحت بحثت عن شركة التأمين هذي لقيتها ممكن تغطي تصاريف العمليه الثانيه

بس المشكله امي تقول لاتقولين له انك سويتي عمليه قبل لانها مو باينه بس اكيد الدكتور اذا كشف علي واخذ بياناتي باقول له اني سويتها قبل - لاني ماراح اعيدها عند نفس الدكتور النصاب -

انا ماني مرتاحه نفسيا لين يروح هالعيب الي بوجهي الحين خف بس ماراح وانا مقهوره لاني تعبت ودفعت مبلغ كبير والحين فرصه صارت مجانا

شرايكم وش اسوي ؟




ثاني شي بقول لكم عن تصرفات خطيبي جنني وكل يوم وحنا متزاعلين :

1- دايم يتكلم عن بناء المستقبل وانه انا راح اشتري البيت وانتي تتضامنين معي وراح ياخذون كل راتبي بس انتي تصرفين على البيت وانا ماارتاح الا لين اشتري بيت ومدري وشو وانا مستحيل اعطيه من راتبي لاني متعوده ادلع نفسي واشتري الي ابي واعطي اهلي منه ماني ملزومه افكر بالمستقبل والبيت والمصروف معروف ان الرجال هذي مهمتهم
عاد قلت له ان علي قروض وديون ومبالغ انصدم قال خلاص اذا خلصتي قروضك وديونك لازم توفرين او اعطيني صرافتك انا اخليك توفرين غصب قلت مستحيل قال ليه مو واثقه ؟ قلت مو سالفة ثقه بس انا اتعب واروح واجي واخرتها اوفر علشان اشتري بيت ! ماني ملزومه
قال طيب بنسافر كل سنه وانا نظامي ففتي ففتي - عاد اخوانه كلهم زوجاتهم مو موظفات وكل سنه يسافرون مع زوجاتهم وعيالهم وهذا الي قهرني يعني موظفه لازم تشترين سعادتك بفلوسك - المهم قلت اذا بقى معي شي قال انتي خربوطيه تشترين اشياء مالها لزوم قلت عندك مالها لزوم عندي مهمه وماني مستعده احشر نفسي سنه كامله علشان اسافر شهر قال ليه ماتبين ننبسط ؟ قلت تبي ننبسط وفر انت وابسطنا


2- يقول انه يحبني ويدلعني بس دايم يتريق علي تخيلو من ثاني مكالمه قال لي فستانك بالملكه مررره مو حلو مااعجبني وجسمك نحيف اسمني قلت جسمي عاجبني الحمدلله قال انا ماني راضي عن جسمك والله انصدمت هو عارف من يوم خطبني اني نحيفه وماهو على كيفه اسمن وانحف عاد هو دب ويقول انا دب واقول لا عادي شكلك وسط وانا اكذب عليه علشان مااجرح مشاعره وهو ماعنده يعطيني ياها بالوجه لا وقبل كم يوم سألني انتي تشوفين نفسك حلوه قلت ايه اشوف نفسي ملكة جمال - وانا بصراحه اشوف نفسي شينه مره - قال هو انتي عاديه قلت بعينك عاديه قال لا حتى امي وخواتي لما وصفوك لي قالو لي عاديه قلت اجل ليه خاطبني ؟ قال وشفيك انا اشوفك احلى وحده بعيوني وقام يصرف

3- مره نسولف بالواتس اب وقال لي يقولون ان السعوديات ركبهم سوداء انتي ركبتك سوداء ؟ وش هالوقاحه بالسؤال قلت تشوفها بعدين ان شاء الله
وقبل كم يوم ارسل لي نكته عن سعوديه تتمنى تصير ركبتها بيضاء

4- مره اتفقنا نطلع للسوق نشتري اغراض وانا كنت بروح مع خواتي قلت خلاص اذا صرت هناك كلمني اجيك وجاء ولما تقضينا وخلصنا قال يلا بوصلك لاخواتك واروح عاد مالقيت الا اختي اللي اصغر مني جالسه الكبيرات كانو يتسوقون قلت خلاص مع السلامه هذي اختي وقام يطالعها قال هذي الدبا ؟ طنشته قلت مع السلامه
وبعدين قام يسألني منهي الي حاطه عبايتها كذا ومنهي الي شكلها حوسه ؟ قلت وش عليك منهم

5- انا اعلى منه شهادة وهالموضوع معقده مررره وانتي لازم تحترميني وانا رجال ومدري وشو وهو احيانا يتلفظ علي وازعل ويراضيني انا ماقصدي ومدري وشو ومره زعلني وعليت صوتي بالكلام - عاد هذا طبعي اصلا صوتي عالي بس يعني لزوم الدلع والانوثه كنت اقصره خخخخخ بس بالحقيقه عالي ولما انقهرت طلع صوتي الحقيقي - قال انتي ماتحترمني ومافيه رجال يقب هالمعامله وانتي بتكرهيني فيك


ازعجني صراحه وصرت اكره نفسي واكره الساعه الي وافقت عليه فيها

شورو علي انفصل او كيف اتعامل معاه ؟