انا ببدا بمشكلتي لكن ياليت اللي عندها رد جارح تحتفظ فيه لنفسها كل اجابه تجي باسلوب حلو ومنطق اكيد بتقبلها برحابة صدر فياليت تنتقون الالفاظ
اول شي انا عمري 20 وخطيبي نقول بين 23 و24
للامانه هو طيب معاي وحنون لكن النقطتين اللي محيريني فيه هو ستايله بشكل عام والدين
بالنسبه للشكل استغرب يحلق مثلا الذقن بحلقات مدري كيف يعني غريبه تحسسني انه مراهق وملابسه عادي يلبس بدلات وثياب لكن احيانا مدري اذا تعرفون غطا الراس والقبعه اللي يلبسونها مغنيين الهيب هوب مثل كذا يعني
ومن هاذي التشكيلات
اكثر من مره المح له ان هالستايل مايعجبني وانه للمراهقين واللي يلبس كذا الكل ينظر له بنظره انه فاضي وعديم مسؤليه وانت كبرت ع ذا السوالف حلاتك بثوبك وشماغك واذا تبي بدله البس معاها قبعات عاديه موذا الاشياء لكن مدري هو مافهم قصدي او فاهم بس مطنش
النقطة الثانيه هي الدين
يصلي ويصوم وكل شي تمام لكن مو منتظم بكل شي
يعني الصلاه عادي ياخرها بس عشان يكمل مباراه او ينام شوي اتصل له احيانا 7 المغرب اقوله صليت يقول لا تو جالس من النوم ومتروش واحين بصلي واتصلتي
دوامه الراتب يعتمد ع ساعات العمل هو ماخذ ساعات زياده يقول خل اشتغل ولاجلستي بالبيت وفرفرتي بالشوارع طيب وين المشكله؟
المشكله انه اذا تعب وقرر يرجع البيت يسجل حظوره كامل يعني مايكتب باقي مثلا ساعتين او 3 ع الوقت فاكيد هالجزء من المال يكون حرام
وكلمته وزعل قال انا مااحب اللي يقرق ع راسي مااحب النصايح انا كبير واعرف وش اسوي واعرف الصح والخطا والحلال والحرام واذا انا موالشخص اللي تمنيتيه عادي قوليلي ماراح اعلقك معاي وانا صارحتك بكل شي
احترت كيف اتصرف معاه احاول انصحه واعدل منه باسلوب غير مباشر بس مدري كيف اشرح لكم
يعني موعارفه افهمه موعارفه اوصل لعقله واشوف كيف يفكر هو بس يبي يعيش حياته طول بعرض وانا مابي اتسرع واتركه لسببين
اول سبب ان ابغض الحلال عند الله الطلاق فما يحتاج اني اتسرع واحنا للحين تونا 3 شهور من ملكنا
ثاني سبب اني حبيته وكل شي فيه الحمد لله وانا حاسه ان فيه بذره خير كل انسان موجود فيه هالشي
بس ابي اعرف كيف اوصل لذا البذره ؟؟؟
كيف اغيره بدون مايحس اني كارهه ذا الاشياء فيه؟؟
خاصه ان اهلي يتمسخرون علي خاصه ع لبسه لما يلبس ذا الشغغلات رايحين جايين ويقطون نغزات :ohplease: