السلام عليكم ورحمه الله وبركاته
اولا انا مخطوبه من تقريبا 8 شهور لشخص من اقاربي البعيدين
طبعا خطوبه بدون ملكه
تمت الشوفه واتفقنا على موعد الملكه والزواج واهلي تجاهلوا موضوع التحاليل او بالاصح اجلوه شوي لظروف ماله داعي اطول عليكم بها..
بحكم انه من اقاربي انتشر الخبر في كل مكان
ومن اليوم الثاني بدأت تجيني التهاني
طبعا انا موضوع التحاليل في بالي بس قلت تخلص ظروفنا ونسويها
وبعدها انتظرت اهل العريس يجيبون سيره التحاليل وللاسف ما جابوا لها خبر
انا بعد انشغلت بالدراسه والوالد سافر وكذا فهذا الشي خلاني اتاخر اكثر
المهم اني بعدها ب4 شهور قلت خلاص لازم اعمل تحاليلي وبلغوه..
عملت تحاليلي وطلعت سليمه الحمد لله والعريس عمل تحاليله في مستشفى في قريه يشتغل فيها
وبعدها ارسلها للمستشفى اللي عملت فيه تحاليلي
المفاجاه انهم قالوا للوالد لازم العريس يعيد تحاليله
طيب ليه؟
قالوا التحاليل ناقصه
وتاكدت من وحده تشتغل في المستشفى تقول فعلا ارسلوها من المستشفى الثاني ناقصه تحليلين
المهم الوالد اتصل عليه وقال له خلاص بعيدها في مستشفى كبير..
الى هنا كل شي تمام .
قبلها بفتره جا اخوه للوالد وقال له ترى حنا عائلتنا كلهم فيها فايروس الكبد الوبائي بس خااامل ( ما اعرف بالضبط اي نوع منهم)
فلا تتفاجئون لو طلع في النتايج شي
وحاول يفهم الوالد ان هالشي عادي وما يضرني ابد
وانهم ما يعتبرونه مرض ونص الناس صار فيهم وان اولاد عائلتهم ما انتقل لهم المرض ولا شي
الوالد خبر الوالده وحاولوا يخبون الموضوع عني لحتى تطلع نتايج التحاليل ولحتى تجي الاجازه
وطبعا الى الان ما خلصت تحاليله
بلغوني بالخبر واهلي معطيني حريه الاختيار.. واللي شايفته انهم خايفين علي من المرض بس تاركين الموضوع في يدي.
انا اللي قاهرني مو المرض لا والله.. هذا شي ما لاحد يد فيه الا الله سبحانه وتعالى
الي قاهرني اسلوبه
يعني شخص عنده مرض زي كذا المفروض يتكلم من البدايه
المفروض موضوع زي كذا ما ينسكت عليه ابد
لو انا فيني المرض ما اكون خبيت عنهم بالعكس كان تكلمت حتى من قبل تتم الشوفه
وموضوع التحاليل الناقصه هذي انا مو داخل مزاجي
ما ادري بس فيه شي غريب
احس بشعور يقهر مره يعني كانه واثق اني بوافق ولا هو مهتم ابد
بدليل انه صار لموضوع التحاليل فوق الشهرين ما خلصناها
بنات انا بين نارين
خايفه اوافق وما يكون فيه خير لي
لاني سبق واستخرت قبل التحاليل ودعيت ربي ان كان فيه شر لي ان تطلع مشكله في التحاليل
وخايفه ارفضه وهو الكل يمدحه وحسيت انه الشخص اللي يناسبني لكن برضوا ما ادري
بجد محتاره مررررررررررره ياليت اشوف آرائكم
توكلى على الله واستخيرى مرررررة ثانية وثالثة بعدواذاارتحتى تتم الامور وخلاص اصلا انتى اكيد تعلقتى فية
واذا ولد ناس زيينين لاتخسرينة نصيحةوكل شي بيد ربي
والله يوفقك ويسهل امورك