السلام عليكم
بنات حبيت استشيركم انا وخواتي داخلات جمعيه قبل ست شهور وخلوني الاخيره :11retcher
وبرضاي كانت كنت حابه افرج عليهم وصرت اخر وحده تستلم الاجمعيه وجتني الفلوس بتقسيط مو سوى وكنت حاطه بالي اصلح ليزر لجسمي وضاعت الفلوس وماصلحت :eek:
لانه ماجت سوى
طبعن خلصت الجمعيه حقتنا
ففكرو يجددون الجمعيه وعندي ثنتين من خواتي بالجامعه مشتركات معنا طلبن ان الجمعيه تكون اول وحده لهن بيصلحن غرفتهن والثانيه لاختي الكبيره وانا طلبت اكون الثالثه
نقزت اختي الي بالجامعه تقول لا خلك الرابعه حنى نبي نكمل الغرفه وانا قمت اهاوش ورفضت :angry2: وبشده بعد لان اليزر ابصلحه قبل الشتاء وقلت لهم مو كل مره تخلونن الاخيره
اغلب جمعياتهم خلونن اخر وحده استلم وتلاسنا وامي وقفت بصفي واختي الكبيره بعد
فازعلت اختي الي بالجامعه ورمت فواتير تصليح غرفتها وقالت خوذوها مابيها
وانا مابي اتنازل عن دوري بس تأنيب الضمير ذابحني :06: ومابي اصير ضعيفه
هم يدرون ان ارحمهم وتنازل وانا مليت وابي اصلح نفسي
وش رايكم هل موقفي صح ولا انا انانيه وخربت على خواتي الي بالجامعه
والله يجزاكم خير :icon31:
روج شفاف @rog_shfaf
عضوة فعالة
يلزم عليك تسجيل الدخول أولًا لكتابة تعليق.
ولاء الزمن
•
كوني الثالثة وأختك الكبيرة الرابعة وأشترطي عليهن يكون التسليم مع بعض وغير متفرق والتسامح طيب وعاقبته حسنة وربي يوفقك ويسعدك ويحقق لك الأماني ..
روج شفاف
•
انا ابي الثالثه وهم زعلانات يبونن اصيرالرابعه
يعني راضين اختي الكبيره الثانيه بس انا لا يبونن الرابعه
يعني راضين اختي الكبيره الثانيه بس انا لا يبونن الرابعه
ربحي راسك من الموضوع ذا كله هي كلها 4 شهور وفري اللي بتعطينهم ولا تصرفينها وبكذا عملتي اللي تبين..... انا اكره الجمعيات مامنها فايده دام الفلوس ما تجئني الابالتقسيط
الموضووع مره تاافه ومايبيله كل هالصجه لكن القرار لك والله اذا انتي تشوفين انو ضميرك معذبك وماانتي مرتاحه خليها قبلك واذا كنتي مستعجله وتبين امورك تخلص بدري لا والله تمسكي براااااايك خلصي شغلك وهي لاحقه وانتوا ماانتم طايرات
ياكرهي للهالجمعيات من كثر ماني اتعب منها
انا الحين ماسكه ٤ جمعيات وجددددا اتعب
شوفي من حقك ترفضين ولا احد يجبرك على شي اذا انتي فعلا مضطره تمسكي برايك
واذا ماعندك مشكله تكونين الرابعه بس مشكلتك انهم مايسلمونها مع بعض
قولي موافقه بشرط كل وحده تسلم فلوسها لامي وماتتاخر وامك تجمعها لك وتسلمها مره وحده
انا كذا على كثر ماني ماسكه جمعيات الا اني ماسلم احد بالاقساط حتى لو كان الدور لاخت وحده وهي معانا بالجمعيه اقولها لاتعطين اختك فلوس عطيني اياها وانا اجمعها واحولها كامله
الكل مرتاح معاي بالجمعيه وطريقتي بس بيني وبينك جدددا متعبه
بس بعطيمك معلووومه حلوه بما اني خبره جمعيات
احلى وحده اللي تستلم الاخيره والنص بتقولين ليه
عشان لما تستلم مايكون وراها هم السداد واذا كانت الوسط ماتتعب وهي تسسدد
بس اذا خذتها بدري تفرح واول ماتخلص فلوسها تبدا تستثقل دفع فلوس الجمعيه
انا الحين ماسكه ٤ جمعيات وجددددا اتعب
شوفي من حقك ترفضين ولا احد يجبرك على شي اذا انتي فعلا مضطره تمسكي برايك
واذا ماعندك مشكله تكونين الرابعه بس مشكلتك انهم مايسلمونها مع بعض
قولي موافقه بشرط كل وحده تسلم فلوسها لامي وماتتاخر وامك تجمعها لك وتسلمها مره وحده
انا كذا على كثر ماني ماسكه جمعيات الا اني ماسلم احد بالاقساط حتى لو كان الدور لاخت وحده وهي معانا بالجمعيه اقولها لاتعطين اختك فلوس عطيني اياها وانا اجمعها واحولها كامله
الكل مرتاح معاي بالجمعيه وطريقتي بس بيني وبينك جدددا متعبه
بس بعطيمك معلووومه حلوه بما اني خبره جمعيات
احلى وحده اللي تستلم الاخيره والنص بتقولين ليه
عشان لما تستلم مايكون وراها هم السداد واذا كانت الوسط ماتتعب وهي تسسدد
بس اذا خذتها بدري تفرح واول ماتخلص فلوسها تبدا تستثقل دفع فلوس الجمعيه
الصفحة الأخيرة