هذاك أول :

اسمعي على طول من تذكرت هالموقف وانا ناطتن نطة مثل البطة شيلي الشنطة(بس علشان تعرفين ان ماعلي شرهه) قبل كم سنة الله لايعيدها هذيك السنة خمتني حالة من الرومانصية اللي مادري وشلون هي قايلة هالرومانصية احسها تعرج مهيب حقت اوادم سنعين جيت لليخاندروا وقلت لها وش رايك نزرقو الخبر يومين قعد يناظرني من فوق لتحت وانا قاعدة ارمش بعيوني واطقطق باصابع رجليني هذا شكلي اذا خمتني الرومانصية قال يالله قومي وولمي الأغراض بنطس للشرقية من قال بنطس حسيت انه رومانصي اكثر مني وولمت ألأغراض وكومت خلاقيني وخلاقينه في الشنطة وجدعتها في السيارتو (انا عارفة هي سيارة لاتعلموني) ومشينا لحد ماوصلنا للشرقية(اذا ماخليت عشاتس ينقز مر من سالفتي ماصير انا البردقانة) وجلسنا في الفندق ونمنا وقمنا على صياح الديك(صياح ديك وفندق يساوي مزرعة ) وكان الوقت قبل طلوع الشمس وكان الجو جميل (تراي ماخذتها من كتاب التعبير حق ولدي سنة رابع الفصل الأول صفحة رقم 15) قلت لبعلي العزيز خلينا نطلع نمشي على الكورنيش قال يالله وطلعنا وقعدنا نمشي قعدنا ونمشي ماتجي المهم لاتدققون مشينا هو تعب عصقول مهوب مثلي انا رحت امشي مادرى الضعيف وهو قاعد يقرأ الجريدة الا انا جايته امشي الف طايرة واصرخ قم قامت القيامة هو وقف واللي في الكورنيش كلهم وقفوا يناظرون هاللي تقل خيمة طايرتن من عج ويالله مسكني قالي وش بتس وهو متروع قلت لها اقولك قامت القيامة ياربيه الله يرحمنا قال اي قيامة ويتلني مع علباتي(علباتي صارت وسع طريق الملك فهد من كثر مايتلني معها) وهو يسأل وش فيك وانا اصرخ اخرتها نفضني حسيت ان راسي ضاع وقلبي صار مكان المعدة ولساني تدودل قلت شف الشمس طلعت من مغربها هو تروع والتفت يناظر الا وش يشوف لمبة من لمبات الكورنيش ناسين يطفونها وانا حسبها الشمس الشرهة على البدلية وراهم ماطفوا لمباتهم قال يالله جمعي خلاقينك خلينا نرجع ورجعنا ونحن سعداء ومبسوطين والى الحين ادوري راسي مادري وينه

اسمعي على طول من تذكرت هالموقف وانا ناطتن نطة مثل البطة شيلي الشنطة(بس علشان تعرفين ان ماعلي...