فهمت من كلامك ان مشكلتك وجود عمات اولاد ف وقت غيابك عن البيت بحجه زياره امهم ..
الحل اذا فيه امكانيه تسوون لها ملحق بدورة مياه الله يكرمك يحفظ لك خصوصية بيتك و يعزلك عن ضيوف ام زوجك .
والحل الثاني ممكن وقت غيابك عن بيتك تنتقل ام زوجك مؤقتا لبيت احد من اولادها او بناتها لوقت رجعتك لبيتك .
واذا اعترض زوجك الحل الاخير انك وقت سفرك لاهلك تقفلي غرف النوم و تخبي الاشياء اللي تخافي عليها تتضرر من اغراضكم وتخلي المطبخ والصاله و غرفة ام زوجك فقط ..
اتفهم شعورك و انك مو رافضه وجودها خصوصا ان معها خدامتها .. وانك خايفه من سوالف بناتها لكن اضمن لك انهم بيسكتون لانك سويتي فيهم خير و اجرك عند رب العالمين و احتسبي كل شي تسوينه لام زوجك و لعل الله على نيتك الطيبه يبدل لك الغرفه اللي خليتها لام زوجك لبيتك اكبر و اجر عظيم عند الله ..
فهمت من كلامك ان مشكلتك وجود عمات اولاد ف وقت غيابك عن البيت بحجه زياره امهم ..
الحل اذا فيه...
الام اريح لها عند بنتها واولى الام تخدمها بنتها مو بنت الناس وهي لبنتها تمون عليها تخدمها تنظفها لو احتاجت بنتها سترها وغطاهها وحافظة سرها اما اترك امي عند الناس يشوفونها بكبرتها وضعفها واحتياجها غلط كبير انا افهم على امي من نظرة عيونها انا بنت قلبها قبل ما اكون بنت بطنها
اما الهم الاكبر عندكم تاكل وتشرب عند ولد الناس اعوذ بالله من هالتفكير مرة عجوز ضعيفة مريضة وش بتاكل مثلا وش بتشرب لوهي قبيلة كاملة كان معكم حق لكن هي وحدة بس ومستقلين لقمتها وعيب وكلام فاضي ماله معنى
هاذا المهم عندكم مين بياكلها ويشربها على اساس اكلها او شربها وهي وحدة مع عايلة كاملة هو اللي بيكسر الميزانية ويفقركم ويخلص فلوسكم
بس نفسية الام اخر شي ممكن تفكرون فيه اهم شي عندكم لا مايصير زوجي يصرف عليها خلها تروح لاخوي يصرف عليها نفوس اعوذ بالله
مو مشكلة الاخ يعطي امه مصروف وهي عند بنتها يعطي اخته مساعدة تصرف على امه اكلها وشربها اللي مستكثرينه والمكان الاريح لها نفسيا تقعد فيه باقي لها كم يوم وتروح من الدنيا وتخلصون من مصروفها اللي شايلين همه