انا وزوجه اخوي ساعدوني

السلام عليكم ورحمه الله وبركاته
يابنات ممكن الغالب فيكم عارف اني من فتره بسيطه انتقلت من المنطقه الي ساكنين فيها لمنطقه قريبه من اهلي ومن ضمن هالاهل اخوي وزوجته بيتهم مره قريب 7 دقايق مشي لو حبيت اروح لهم
المشكله مره اخوي هذي كبيره عمرها بال45 وانا احبها واحترمها وخاصه انها مره طيبه بس صايره مره حساسه وكله تعتب زرتها كذا مره بيتها محيوس فوق تحت من العيال وتفشلت مع انها قايله لي بيت اخوك تعالي ارفسي الباب وخشي مايحتاج حتي تدقين واذا دقيت برضو اروح والبيت محيوس واحسها مره تنحرج مني لانها عندها أطفال كثير صرت اخفف زياره احسها زعلت
ومره بعزا ام وحده من اقاربنا شافتني وانا ماانتبهت لها ويوم انتبهت لها رحت سلمت عليها قالت لي وش دعوة طنشتيني ولا سلمتي وحلفت لها اني ماشفتها حسيتها ماصدقت كلامي
احس اني متوهقه معاها مع انها طيبه وعسل لكن حساسه وتشره علي اقل شي كيف اتعامل معاها او وش اسوي ماابي حزازيات خاصه اني قريبه منها مع انها مازارتني الا مره وبس 15 دقيقه وراحت
حاسه بقلق هذا ماصار لي شهرين جمبها وكذا وتتحسس وتزعل خايفه مستقبلا من المشاكل طبعا هي ماتدخل اخوي باي شي بينا وهو عاقل وهي ماشاء الله مستحيل تخربه علي بس انا اعزها واحبها ولا ودي ازعلها وبنفس الوقت اسلوبها حساس مره وتمسك لي الزله والكبيره والصغيره ايش اسوي وكيف اتعامل معاها ياريت تساعدوني وتنصحوني الي مر عليها مثل هالشخصيه كيف التعامل معاها
والف شكر لكل وحده بترد علي وربي يقضي لها حاجتها ولا تنسون تدعون لي بالذريه الصالحه والتوفيق من رب العالمين وتسلمون خواتي وربي لا يحرمني منكم