انا وزوجي

السلام عليكم ورحمة الله وبركاته
هذه اول مشاركة لي هنا وبصراحة انا سجلت بعد ما كنت اتصفح المنتدا لمدا طويلا والاقي فيه بعض الحلول لمشاكلي. لاكن حبيت استشيركم يا متزوجات.
انا عمري 21 سنة ومتزوجة من سنتين ونص وكنت مخطوبة لمدة سنة تقريبا ومتزوجة عم حب لدي طفل الله يحمي ويخلي.
مشكلاتي بصراحة كثيرة راح اقولها بختصار حتى تعرفو كيف حياتي وتنصحوني شو اعمل وكيف اتصرف.
اهلي مطلقين منذ كنت بيبي عشت اول ثلث سنوات عند جدتي ام ابي وكانت مشاكل كثيرة مع اهل امي وتاثرت بذلك كثيرا مع اني كنت صغيرة الا انني كنت احكي لاهلي اش كان يسير معي كانه حلم حتى. عشت مع ابي وزوجته بعدها على اساس انها امي لان ما كان عندي اي ذكريات من امي الحقيقية وعند عمر 15 اخبروني ان هذه مش امك وقالو لي الحقيقة وان الي كنت احلم في سار في الحقيقة.
انا انصدمت وبقيت كذلك لسنتين تقريبا انعزلت ونفسيتي تعبت كتير. اذا تسالو كيف كانت علاقتي مع اهلي بقلكم ما زيادة كنت دايما احس بالفرق بيني وبين اخوتي.
المهم بس سار عمري 16,5 بعتني ابوي عند اهلو حتى اعيش هناك لان هو شاف ان انا بعكر مزاج البيت. اهلي في دولة اجنبية واهل ابي في بلد عربي. 
وياريت انحلت المشاكل ابوي ما عاد اتصل فيني الا كل شهري تلاتة حتى يوبخني على شي سار من اشهر وهيك كانت زوجته تتصل فيني اكتر بالاول وكنت اشكيلها معاملت جدي السيءة بس بدون فايدة. جدي بس شاف ان ابي ما مهتم سار اي شي ينقهر منو يفش كل غلو فيي. كل يوم يضربني ويسبني وممنوح ارى تلفاز واذا شفت هوي بيقرر اش راح اشوف وممنوع اخرج ولا احكي بالهاتف ولا اطلع عالباكونة يعني باختصار سجن. الضرب يعلم على جسمي لاسبوع كامل. سرت كيف القطة الي بتتحول لاسد. سرت ادافع عن حالي واصرع علي وابعدو عني وما اخلي يحكي اي كلما عاطلة الا ارد علي واعمل الي براسي وما عاد يهمني انه راح يضربني.
في هذه الفترة تعرفت على زوجي. كان عمله تحت البناية الي قاعدين فيها بيت اهل ابوي. بسراحة بالاول كنا نحكي عالهاتف للتسلية وما كان في حب وطبعا بالسر. بعدين تعلقنا ببعض وحبينا بعض. لما سارت فتورة التلفون غالية سارو يشكو وكشفونا. اجا خطبني وبقت الخطبة سنة. الاهل ما وافقو الا لان اعتبروها فضيحة وحتى انهم اجدوني عند د.نساءية وفحصوني. ابي ما تكلم مع زوجي غير مرة وحدة عالتلفون وما اعجبه وما بدو ايا. وسارت مشاكل كثيرة والكل يتدخل وحاولو يفرقونا وما قدرو. المهم تزوجنا واقسم بالله ما اجا حد من اهل ابوي الا جدتي اترجيتها اسبوع كامل قبل العرس لحتى اجت معي. اما امي الحقيقية الي ما سرلي سنة بعرفها اجت وجابت كل عيلتها معها. 
عشنا بلبنان خمس اشهر كانو اهلي ماخدين مني جوازي الاجنبي وخلوني اوقع عالورقة اني ما اريد الجنسية الاجنبية بس عمي الله يحفظه ما رضي يبعت الورقة لابوي. المهم رحت اخدت جوازي وسافرت لوحدي حتى اعمل اقامة لزوجي. بما انو اهل ابي مقاطعيني ما الي حدا رحت للحكومة حتى يساعدوني ويعطوني بين حتى ابدا بالمعاملة لزوجي. قعدوني بسكن المدمنين الي بياخذو ابر وبيشربو والله المستعان. حاولت اخرج من هناك لكن ما في مكان تاني. اشتغلت شوي بس من نفسيتي التعبانة يفصلوني واقعد. ابوي ما خلاني اكمل البكلوريا فانا بس رحت للصف التاسع وما بلاقي عمل جيد الا اذا درست وما بيعطوني بيت الا اذا اشتغلت.
بقيت في السكن سبع اشهر ونص واجا القبول لزوجي واجا عالبلد لاكن ما عنا بيت. قعد في شقة مع شباب حتا دلو على واحد باجر شقق غير قانوني. اخذنا شقة بصراحة فيها مشاكل كتير بس صبرنا والحمد لله بعد شهرين اخذنا عقد لشقة كبيرة. بعدا طوال سار حمل وولدت والحمد لله.
هاي حياتي باختصار. بعرف طولت عليكو بس هلا للمشكلة.
انا وزوجي بنحب بعض، او انا اقول عن نفسي انا بحب زوجي بس ما نتفاهم على اي شي. انا واقعية وهو في عالم الاحلام. هو طبعو عصبي بس بيفش خلقو ودقيقة بعدها بينسى وبيترك ورا قلبي المجروح. كترت هالمشاكل في اخر مدة. هي مشاكل تافهة اصلا بس بتكبر. انا صريحة جدا مع زوجي بتكلم معو باي شي واي مشكلة بتسير معي بقلو عليها واذا شي هوي عملو على طول بقلو. اما هو ما بحب يحكي على طول يثور ويغضب ويتفه اي شي بقولو وبيضل يردد " انتي بتحبي المشاكل" مع ان هي ما بدها كا هالشي. انا من النوع الي بحب احكي بالمشكلة للاخر وما اخليها معلقة لان بضل افكر فيها طوال الوقت لتنحل حتى لو بتسير مشكلة. زوجي بينسى الشي بلحظتها وما بيعود يفكر فيها حتى لو انا ما ارتحت. يعني بتضل مشاكلنا كلها معلقة وبتنعاد ميت مرة بس هاد الشي بس انا ارى هوي عقلو مش معي. انا عندي احلام وبدي احسن من وضعنا و و و . وهو كمان بس ما بشاركني عايش في عالم لوحدو. 
هاي مشكلة مستمرة كل يوم مع اني بقله انت كل شي بنسبة لي انت ابي وامي واخي حبيبي وزوجي وشريك حياتي بس بدون فايدة مع العلم اني قاعدة في مدينة بعيد عن اهلي الي اصلا مقاطعيني مع اني حاولت اوصلهم. وهو عارف هذا الشي واني ضحيت بكل شي منشانو. انا كنت مرتاحة ببلدنا العربي وقريب من اهله بس اجيت عشان هوي يرتاح من اعباء عملو وعشان ياخد جنسية. 
المشكلة الثانية سارت بالصيف الي مضى. سافزت عند اهله انا والبيبي عشان اطهره واقدي رمضان هناك. الله قدر ان الولد اصابهو نزيف من الطهور وقعد في العناية اربع ايام . لم نخبر زوجي حنى لا يقلق وبقيت اعني لمدت شهر بعلاجه وتعبنا كلما كثيرا مع العلم انه كان رمضان. قبل ما اذهب قلت له نطهر للول هنا عندنا ضما صحي واي شي بيسير على طول بيعالجو ما سمع مني وهو طبعو عنيد. كان الولد راح يموت من النزيف ضل ينزف 18 ساعة وهو بالمستشفا يحتولو دم وما يوقفو النزيف وهاي قصة لاحها بدا شرح. يعني المعنا انه بعنادو وعقليته عم اتءذا انا وابني وهو ما واخد بالو. بس ما هاي المشكلة ، رجعت لعنده ونفسيتي تعبانة وطول وقت اقامتي مشاكل عالتلفون وما ما كان يفهم ان نفسيتي تعبانة وعم احاول اشكي له. بعد ما رجعت فتحت اللابتوب لارا فيلم للاطفال مع الصغير واذ بي اجد عناوين صفحات اباحة وشات وغيرهو الا اليوم ما قبل ما اجي. انصدمت صدمة متل الي انصدمتها وقت ما اخبروني عن امى. المهم واجهته قالي ما في شي بس كنت اتسلا غضبت شوي وبعدين سامحتو بس بقيت افتش وكل مرة الاقي شي اكبر وكل مرة اواجه وتسير مشكلة وما بدو يعترف انو هالشي كلير ويسخف الامور. بعدها لافيت على تلفونو شات مع بنات عالواتس والتانجو والفايبر والفيس بوك يعني ما مقصر. وهو دايمن الي يبدا بالمحادثة دايمن يمدح بشكلهم ويقلهم اشيا رومانسية وشعر. لاقيت التاريخ من وقت ما انخطبنا لبعض وليوم ما لاقيت كل هالشي. ما في علاقة الا اخر وحدة وقت ما كنت مسافرة مدردش مع بنت عالفيس لاكم شهر. بيتكلم معها اشيا عادية الي هو المفروض يتكلمها معاي وبيشكي لها همو بيقلها انا متدايق وقاعد عالبحر بس قلتلو يقول ما حقيقة انها قصة قلها بس هيك وما سارت وبعد فترة  اخزني عالبحر وبيقلي شافه هناك مرة كنت متضايق بس كنتي مسافرة وقعدت ادام البحر.
وعدني ان ما يرجع يدردش مع بنات و و و ولاقيت يرجع يكتب للبنت هذه. وقتها طفح الكيل وحكيت لامه كلمتو وعصب كيف احكي لها وسارت مشكلة طويلة عريضة. طلع من البيت وانا ما تحملت كنبتلو رسالة واعتذرت كان انا الغلطانة وكتبتلو كيف شعرت وانه جرحني. رجع عالبيت باخر النهار ولا معو خبر نسي.
انا سكتت مش عشانو ولا عشان زواجنا بس عشان ابني ما يعيش نفس الي انا عشته عند طلاق اهلي رغم اني ما اثق في بعد حتى الحب الكبير الي كنت اكنه له عم يتلاشى. ما قالي ليش هيك سار مع ان يمكن لو كان عنده سبب كنت اعطيته عذر بس لا شي. اقله انا غلطانة بشي ثصرت بشي ما حلو ناقصني شي ؟ كلو لا. حتى اني تخليت عن خجلي قدامه لان شكله يحب البنات الي ما تستحي. ما اعرف شو اعمل هوي للصراحة ما رجعت لاقيت شي عالهاتفه بس ما اقدر اثق في ابد واضل اقول يمكن فعل اكثر ما هذا او يمكن يعرف بنت برا وانا ما اعرف لان هو ما يعترف الا لما اريه بالدليل القاطع مع اني قلت خبرني كل شي ومننهي المضوع بس ما كان يسمع.
اسفة طولت عليكم بس في مشكلة ثالثة واخيرة.
ما بيحترمني قدام الغرب. وقت ما اجيت لوحدي كان صديقه وزوجته راح يساعدوني واجا الرجال جابني بالمطار واخذت رقمه حتى اذا اتحجت مساعدة احكي . زوجي هو من اراد ذالك مع العلم اني اقدر الاعتماد على نفسي وما احتاج كنت لاحد بس بما انو زوجي هيك راح يطمن باله فعملت هيك. كنت اذا احتجت شي اتصل او ابعت مسج عشان ما احكي وهي بس " محتاجة كذا كذا او بتعر شو راح اعمل الحالة كذا" وهيك. والله الذي لا الاه الا هو ما بطلع لاي رجع غير زوجي ولا حتى افكر. زوجت الرجل اكلتها الغيرة وغضبت اني اتصل بزوجها واتصلت هي واختها يسبوني وقولو حية من تحت تبن ومن هالكلام على اساس اني اخذ منها زوجها. على طول اتصلت بزوجي وقلتله غضب ووبخ الرحل وعصب علي وخلصت المشكلة. بس هو بس اجا عندي لاقيتو بيكلم الرجال عادي مع ان ما اعتذرو مني ولا شي يعني ما عملي قيمة ادامهم يعني اي وحد بيغلط معاي ما مشلكة.
ومرات بيوبخني ادام اصحابنا اذا كان عندي راي او قلتلو مش هيك احسن او لا .
سامحوني اني اطلع بس والله تعبت ومحتاجة مساعدة وبارك الله فيكم