انا وزوجي امورنا استقرت الحمدلله لكن عايشين مع بعض زي الاخوان

السلام عليكم وكل عام وانتم بخير قبل الزحمه..
كتبت من شهر عن مشكلتي مع زوجي اللي طلقني بدون سبب بعدين ندم ورجعني بعدها باسبوعين ضربني لاني صحيته لصلاه الجمعه... وصارت احداث كثيره بينا وعرف زوجي اني اخذ حبوب منع حمل من وراه... وقلت له اني فاقده معه الشعور بالامان وماراح اوقفها حتى تستقر حياته معه... وانا الحمدلله عندي بنت عمرها سنه ولا في البال احمل حاليا بغض النظر عن اي شي.... ماراح اطول عليكم... انا وزوجي تصافينا الحمدلله وعلاقتنا تحسنت هالفتره... انا اهتم له وهو يهتم لي ماشاء الله... نطلع نتمشى نسهر سوا نسولف مع بعض وهو معظم الوقت معي ماشاء الله... وهذا كله من الدعاء في رمضان والاستغفار... لكن باقي عندي مشكله وحده مو بسيطه ابدااا... من 3 اسابيع ماصار بينا اي علاقه خاصه.. رغم اني مهتمه جدا بمظهري ونظافتي وكل شوي زوجي يتقرب مني او انا اتقرب منه لكن مايصير شي.... من يومين نومت البنت بدري ورحت تشيكت وجلست مع زوجي وهو كان يضحك ويسولف الا شوي قال لي يافلانه ارجوك وقفي هالحبوب لاني من عرفت انك تاخذينها وانا نافر من الجماع... انا استغربت وهو جلس يقول اوعديني الحين ومدري ايش... قمت تركته وقلت مو وقت هالكلام ورحت صليت ونمت.. صحينا الصبح عادي مافي اي مشكله... بس الرجال طلع فعلا ماخذ موقف لكن لو ينط للسماء ماراح اوقفها... هو متفق معي اننا مانبي عيال حاليا لكنه خايف من اثارها لان اخوياه مفهمينه انها تخلي المرأة عصبيه وواحد يعرفه يقول كنت بطلق زوجتي بسبتها!! عشان كذا يبغى زوجي اننا نستمر على العزل اللي مافيه اي متعه.... وانا وياربي لك الحمد الحبوب لاوترتني ولا عصبتني وواجهته بالكلام هذا لكنه برضو ما اقتنع... ما ادري يعني نستمر عايشين مع بعض زي الاخوان او كيف؟؟