انا وزوجي زي الاغراب في البيت وش اسوي

حصل بيننا خلاف قبل شهرين بسبب تصرفات زوجي وتعامله معي حيث اصبح لايحترم مشاعري يرمي بالكلمات والتعليقات بدون حساب مع العلم انه يعرف تمام المعرفة انني حساسةجدا جدا ولا احتمل اي تعليق يمس انوثتي او مشاعري ودموعي في ساعتها تنزل . لكن هذه المرة لم اعاتبه ولم افتح معه اي حوار حيث انطويت على نفسي واصبت بإكتئاب ولازمني الصمت فتره مما جعلني استرجع تلك التراكمات القديمه من انتقادات ومواقف حتى خيل الي انة لايحبني ولا اساوي شي . انا الان متخاصمة معاه لا نجلس سويا وليس بيننا اي حوار . انا لا امدح نفسي فو**** اني من كثر طيبتي وكريمه جدا وخلوقة بشهادة الجميع .
تخيلو ...
_ طلبت منه بالحاح يشتري لي قميص نوم من ذوقه حتى لو انا ادفع قيمته بس يوديني تتوقعو وش رد ؟
يقول لا ماتصلح عليك القمصان تبين كرشتك وان ماحب منظر كرشتك .. اصبت بصدمة بس مابينت لاني واثقة من نفسي بس كلامه جرحني .. يمكن يجي في بالكم اني تخينه بس وزني 55 كم وطولي متوسط وكلهم صحباتي يمدحوني على محافظتي على جسمي وجميله رغم عندي ولدين واربع سنوات زواج وقالو يمكن غيران منك .
_ بعدها بكم يوم انحرقت يدي من القدر وان اسويلة الغداء وصحي من النوم وانا اولول من الالم الحرق يمكن طوله 4سم مدور في الساعد قمت قلت لة في دواء في الصيدلية يشيل الام واثر الحرق وش رد ؟ هاتي بطاقتك الاتمانية اشتريلك منها حطيت الغداء له ورحت ابكي في الغرفة ماتحملت ..
_ افتكرت كل التعليقات القديمه يو م يقول لاتلبسي البكيني مو لايق عليك ×××××××××× وافتكرت اول اسبوع في زواجنا يوم رقصت معاه وانطرح في الارض من شدة الضحك على رقصي والي الان لا لبست بكيني ولارقصت معاه.
ومرة شافني احط كريمات قبل النوم قام يقول لانك عجزت قمت تحطي كريمات مع اني احط من زمان ... واذا دخلنا نقاش حاد ينهرني ويقول يالعجوز .. بالرغم اني اصغر منه وحتى ملامحي طفوليه مع ان عمري 29 الا ان اي احد يشوفني يقول عمري 18 وغيرها من التعليقات كثير.
زمان كنت ابكي واجي اكلمه وفهمة زانه عيب هذة الالفاظ انا زوجته واذا انا مو عاجبتة روح دور غيري بس يرجع يقول امزح معاك وكل مرة كذ . انا تعبت معاه حاولت عيش حياه سعيدة معاة حتى لو انا اصرف من جيبي سفريات وخرجات بس المهم انبسط بس تعبت اعطي واعطي وما القاء مبادرة منه .
تخيلو لنا شهرين كل ليلة انام وانا ابكي اروح شغلي وانا ابكي واقول كل يوم بيجي يتسامح مني او يراضيني او يجيب في يده شي بالعكس احسة مبسوط اني مطنشته في حالة لا اقولة وديني ولاجيبني ولا طلبات ولا حتى نقاش ما يحب يناقش وطول يومه على النت وعلى برنامج قسمه ونصيب الي مفتوح 24 ساعة والصلوات مضيعها مرة يصلي ومرة لا ومطنشني طول الليل واذا اشتاق سوى ذيك الشغلة وقام وكأن شي ماحصل .
بس تعبت فكرت اكلم اهلي بس مابغى مشاكل وش اسوي ؟ الي عندها الحل تقولي مع اني ادعيلة على طول