انا وزوجي على خلاف وصلت بينا للقهر

الأسرة والمجتمع

اختصار للكلام ولادتي بعد بكره وزوجي مهملني طوول فترة الحمل ومره كان منكد عيشتي ولا يقدر تعب ولا يساعد في عياله والحين جاي يطالب بتسمية المولود رفض اني اسميه ويبغى يسمي على اسم اخوه الثاني ومن قبل عندنا ثلاث اولاد الأول باسم اخوه الكبير والثاني بأسم ابوه والثالث انا سميته والرابع هذا يبغاه على اسم اخوه الثاني وللعلم هو مسمي بنتي البكر على اسم بنت اخته بالله ايش تنصحوني فيه كل يوم مشاكل معاه قلتله كفايه نسمي على فلان وعلان قال لو مارضيتي بخلي امي هي تسمي المولود هنا انفجرت فيه وقلتله محد تعب معي محد تحمل ضغط البيت والمدرسه والشغل كله غيري وهو كان مقضيها معي مشاكل من اتعب يقفل الباب بكل قوته ويطلع يجلس في المجلس بالساعات واذا شافني متضايقه من شي صارخ في وجهي وطلع وصلت فيه انه يشتمني ويطلع بس لأني كنت اتوحم وماقدرت اقوم بسرعه اطبخ له الغدا كل هذا كنت اشوفه منه وما اناقش اعديها وبشوف اخرتها معاه وضعي ماكان يسمح اكبرها لأني في غربه وعيالي عندهم مدارس والحين مابقى شيء واولد ان شاء الله وجاي يعارضني في الأسم بالله ايش تنصحوني فيه كيف اتصرف معاه بيسمي على اخوانه واقاربه كلهم ولا لي رأي في الموضوع واذا قلت وحق تعبي وين راح قال اي تعب عددت له تصرفاته قال طيب انا غلطان ايش المطلوب قلتله تعوضني قال نامي بس نامي اعوضك عن شيء ماضي وانتهى هذا وهو توه ماله كم اسبوع كان يعاملني زفت من دخلت التاسع تحسن معي عشان يسمي المولود ويقول انه ساعدني وقام معي
8
2K

يلزم عليك تسجيل الدخول أولًا لكتابة تعليق.

تسجيل دخول

ملكة خلطات حواء
انصحك كرري سورة الفلق كثير
SA💜 3
SA💜 3
تولدي بالسلامه ياقلبي انتي تعرفين زوجك وردت فعله ع كل شي ممكن يعطونك افكار هنا ماتناسب مع زوجك انتي ادرى واعرف انتي الان محتاجه ترتاحي واذا ولدتي صدقيني اسمه مقسوم له سوا انتي ولا ابوه ولاجدته سمته الاسم المكتوب له واحد ومهما كان في اعتراض يتسمى باللي كاتبه له الله
Asma
Asma
لا تضايقين عمرك ولا شي عيشي حياتك واذا علي الاسم بالسلامه وربي ماياخذ الا الي ربي كاتبه له من قبل يخلق في رحمك … انتي عيشي حياتك واستانسي وربي عيالك الي بينفعونك باقي عمرك وربي مايعوض الام بالدنيا الا عيالها وهو بكره بيعرف قيمتك ومكانتك ماعليك الا من نفسك … وادعي وانا اختك بكل صلاه ان ربي يسخره لك ويهديه يمكن يجيك ذليل بالذات ادعي من تولدين وربي يعينك ويبلغك في عيالك يارب 💐🤗🤗
Red Rose🧚‍♀️🦋
Red Rose🧚‍♀️🦋
بصراحه اكره هاي النوعيه من الازواج الي تكون مراته تعبانه او في اي شئ يخصها يقول اهلي وامي واخي وما ادري ايش حسبي الله ونعم الوكيل في الظلم والله لكن يمكن نتي مو عارفه تكسبيه اذا كسبتي زوجك ماهيرفضلك كلمه وماراح يزعلك وتكوني نتي قبل اهله لكن شكلك عمرك مفكرتي تلعبي علي هاي الوتر تصدينه وخلاص هذا غلط وكمان اذا حياتكم مو مستقره هيك ليش مخلفه ماشاء الله منه كل هاد !! وبالنسبه لتعبك مع الاولاد هذا سوف تجني ثماره ببرهم ان شاء الله اصبري وادعي لها دايما الله لا يخذل احد
Gmilah
Gmilah
بناتي الثلاث وحدة على امه والثانية عمتها والثالثة اهم سموها بعد ماخترت الاسم