انا وزوجي في الفلنتاين......!

عدت الى البيت هذا اليوم ووجدت زوجي امامي
وبيده ورده حمراء ويقول لي

Happy Valentines day

وبيني بينكم تشققت من الفرحه وذهلت خصوصا انها ما قد صارت منه !!!!!! شكله عامل عمله!!!!
قلت الاخ مسلم ؟؟؟؟ :D
رد علي وقالي متصنع البراءه الي مو بلايقه عليه :16: ليه في تعارض بين الاسلام والحب !!!!

قلت لا بس هذا عيد لغير المسلمين لايجوز التشبه به .....


قال لي مو لدرجه هذي اعتقد انه يرتبط بالمشاعر الي الاسلام يحث عليها

قلت له ياحبيبي المشاعر هذي على طووول مو بيوم واحد

قال لي صدقيني شفتهم بالجامعه الكل ماسك ورد ويتهادوون فمالقيت احد اشتري له غيرك ولا مو حبا فيك :30:


داريه عنك استحوا على وجوهكم تبون حتى الغرب يعلمونك متى تحسون وتتحرك مشاعركم
قالي طيب لاعاد اشوفك تحتفلين بعيد زواجنا ......

وقلت له وش دخل ذا !!!!!!!!!!!!!

قالي بخبث حراام حياتي
التزمت الصمت واثرت السكوووت

قالي طيب الحين انا عازمك على العشاء وش رايك


قلت له لا مابي (مسويه زعلانه )

قالي بالطقاق :(
ندمت خصوصا اني نادرا ما اسمعها بالغربه :(


طيب تبينا ننزل السنتر ؟؟؟؟

قلت له
وكنت متردده لعده اسباب !!!!!! بس بالاخير قلت طيــــــــــــــــــــــــــــــــــــــــــــب


نزلنا واحس انا الوحيدين العابسين مدري ليش ؟؟؟؟ حتى العجايز كانوا ماسكين ورد تذكرت امي
مسكينه عمر ما احد عطاها ورد ولا كانت تشوفه الا بالمزهريات( البلاستيك ) ولا ابوي تخيلت اني اعطيه كرت اقوله احبك للابد اضحكني واحزنني التخيل
فضلت انا نطلع بل اصريت انا نطلع

وزوجي عصب وقالي المشوار مايسوى علي !!!!!!
يانهار مش زي بعضه :icon33:


وحنا بسياره عادت بي الذاكره الى الوراء
تذكرت بالكليه لما كانوا يصادرون كل وحده تجيب ورد والا لابسه احمر
وكنت من رداه حظي لابسه بلوزه حمراء( لاني احب هاللون بذاك اليوم الاغبر )
وانحرمت من ثلاث محاظرات وجبروني البس العبايه في بقيه المحاظرات تخيلوا خخخخخخخخ
ولا كنت ادري بعيد حب ولا بعيد بطيخ لانه ماكان عندنا ستلايت بس قناه السعوديه الاولى (المحروسه )


وكانت بدايه معرفتي بعيد( الهباب) الظاهر ارتبط معي هذا اليوم با انه سئ
لان زوجي بنفس اليوم بعد اربع سنوات معصب وماد بوزه شبر هههههههه

بدات اشعر بالتناقض ؟؟؟؟؟؟؟؟

وصرت اتمنى اشوف عندنا يوم خاص اشوف فيه العجائز ماسكين ورد احمر واطفال ماسكين دباديب والناس تضحك والابتسامه على وجييههم حتى اعيادنا صارت ممله خاليه من اشياء معبره

بلاش في يومهم خلونا بيوم ثاني نسميه يوم الولاء يوم الاحساس يوم المشاعر

يعني الحين مو عندنا يوم وطني من فين جبناااه !!!!!!!

نحن لسنا مؤمنين لابالهه الحب ولا خرابيط قلوبنا صافيه ولانؤمن سوى بالله واحد
بس نبي شي يذكرنا بكوننا بشر
اعتذر عن الاطاله
واتمنى ان لاتسئوا فهمي و استأذنكم لااعتذر لزوجــــــــــــــــــــــــي
..........................................................................................................