زوجك للأسف قليل رجوله ومن اليوم ورايح فهميه انه حافز مافيه انقطع قولي له صرت مااخش وصار علي مخالفات قطعوووة عشان تجبرينه يصرف عليك واذا ظل مثل ماهو ماغير مناظر القرش الي عندك الله يعينك عليه حتي وظيفه ماتتوظفين بسبته

شوفوا  حبيباتي مشكله حافز والفلوس مو مشكله عندي لانه يدري انه ملزوم ويصرف هو علي  بس اذا درى ان عندي فلوس عينه عليها وماعليكم ماعاد بعطيه بس المشكله حقي الاول لمى اطالبه فيه يستفزني ..والمشكله الثانيه اخﻻقه  وتعامله الي يجيب لي الكابه ويبيني اصير زينه  وكلامي يصير عسل واول مايجي يبيني اتحضنه وانا كنت استقبله بابتسامه واحيان حتى وانا زعﻻنه وهو وهو حتى السﻻم مايسلم اﻻ لاذكرته وكم مره انبه واقوله حتى لو في مشكله حاول تعديها بس يستفزني لين اصيح ويقول ايوه ابكي لين تنفجرين هذا الي غبني ....والحين مسوي نفسه زعﻻن ..وبصراحه هو مايحسسني بوجودي وصرت اخاف يقرب مني او يكسر لي يدي المهم طلبني اسويله بطاطس مقلي وانا امن قبل مانكلم بعض وكل شوي طلبات كاني شغاله مو حاس فيني قلت من عيوني وتبسمت بقهر وفال ايوه كذا حلو ومسك يدي وخرتها بقوه ﻻن خلاص ماعاد صرت احب يمسكني وقلتله قبلها بيوم انا صرت اخاف منك وبعدها قام يخاصمني وقال انتي ماتبغين تطبخين وﻻ عمرك تطبخين وقام يخاصم وبعدها بدا يقل ادبه علي وكرهته وسبني ..والحين مسوي نفسه زعﻻن وﻻ يكلمني ..وانا ودي يحس فيني وطالبته يوديني ﻻهلي ﻻني قرفت منه ..
تنصحوني وش اسوي 

Spinster 46 سباينستر حبيبتي انا عمري 24 وبعدين هو الي محملها  بجواله هالبرامج وهو كان اول واحد ينصحني منها ولمى قلت بحمل اﻻنستقرام قال بكسر جوالك ولمى قلت ابي جوال ﻻن جوالي صار يعلق وابي ايفون قاب ماعندي حرمه يكون معها جواليم وهو عنده 4 جوﻻت ..من غير اسلوبه الي على الطالع والنازل  وﻻ تهاوشنا وردبت عليه يقول مافيك خير ومتندم على حياته وان غلطته واني مااطبخ وﻻ اغسل وﻻ شيء وﻻ كاناي بحياته شيء زين وبعدين يشيل الزعل هو ...عرفتي اختي الحين معتبرني انا الغلطانه باﻻول واﻻخير انا اعترف غلطانه لمى رديت عليه بس هو قل ادله وانا صرت ماتحمل اقل ادبي عيله ﻻنه مو محترمني اصﻻ ..

الله يعينك يارب

انا زوجي اول ماتزوجت كانت امه حاطه عينها على ذهبي وكل ماشافتني انا وياه قالت هالقصه حومت كبودنا ... تقول انا يوم اني توني متزوجه كان زوجي على قد حاله حتى قيمة البنزين مو معاه قمت مره جبت ذهبي كله وقلت له بعه وخذ فلوسه فداك يابو فلان ... لين حط عينه على ذهبي وصرنا نتطاق
على هالذهب .. وكان عندي بناجر 2 بعت وحده وعطيته اياه ابي اسكته بس والباقي ماشافه
حتى حافز كان حاط عينه عليه ولاطاوعته والحين انقطع حافز
وحقد شكله هههههههههههههههه
صار مايعطيني مصروفي الا بطلععععععة الروووح وطقاق :ohmy:

أغلب المشاكل الحين صارت على الفلوس وعلى المادة
انتي فعلا في البداية غلطتي والحين عندك وقت تعدلين كل شي
أولا مو كل شي ينقال للرجال عندي ومعي وما ادري ايش
في البداية افتحي لك حساب ثاني بدون ما يدري زوجك وحولي حافز عليه وأي فلوس تصير عندك حطيه فيه طبعا اطلبيه حساب توفير بمعنى ما فيها بطاقه واذا بغيتي شي روحي للبنك واسحبي إلى تبين
ثاني شي ارهقيه بالطلبات ابي وسو وافعل وكل ما رحتي لأهلك اطلبي منه فلوس لو ميتين قولي سبحان الله ما ندري عن الظروف
حقوقك كاملة اعرفيها وطالبي فيها بس بأسلوب حلو
عيشي حياتك وانتي مبسوطة ومستانسه لا تعبسين وتنكدين على نفسك كم بنعيش في هالدنيا
واذا جمعتي اشتري الي بخاطرك واذا سألك من وين لك قولي سلف أو أخوي عطاني أخوي جاب لي
جربي كل شي معه انتي ابخص وحدة بزوجك
ممكن طريقتي مع زوجي ما تصلح مع زوجك والعكس
انا لما طالبته بمصروف شهري سألني كم تبين قلت 2000 الف لي وألف لعيالك رفض مره ويحس انها كثيرة فكرت وصرت كل أسبوع لما اروح لأهلي اطلب منه فلوس لين تعود انه يسألني كم تبين
على اني ما اروح لأهلي إلا الخميس والجمعة والسبت ارجع فأقوله عطني بحط مع أمي في البيت الوقت الي نكون عندهم مو ملزومين يصرفون على عيالك وصار ما يقصر أبد وصرت ارفه عن نفسي عند اهلي اطلع انا وياهم واعزمهم واحط معهم وانا رافعه رأسي أهم شي اني وسعت صدري ولا نكدت عليه
الله يسخر لك زوجك ويسخرك له