يالله ايش القلب الي عندك الي تضربين بنت بهالعمر ..
غيركم يتمنى اطفال وانتي وامها جالسين تترامون البنت .
اول شي انتي تزوجتي وانتي عارفه ان البنت بتكون عندك .. فـ تحمليها وتحملي قرارك
ثاني شي احتسبي الأجر في هالمسكينه .. ترا تصرفاتها هذي كلها عشان تلفت انتباهكم ولانكم ظالمينها
طفله عمرها ماتعدا اصابع يدي .. امها اخذت اختها وتخلت عنها وزوجه ابوها تضربها وتصرخ عليها .
وش تتوقعين من نفسيتها تصير .. غير النحف الي فيها والاستفراغ اشوف انه شي مره طبيعي
تبين نصيحتي !
قومي بالبنت زين ومو موضوع واجب وبس . حسسيها انها بنتك وحسي انتي بهالشي
احتسبي الأجر في هالشي قبل كل شي ..
حبي البنت عشان تحبين تصرفاتها
لاتضربينها .. لاتمدييييين يدك عليها مهما صار
الصلاه وهي الصلاه الرسول ما أمر بالضرب عليها الا بعد 10 ..
فـ كيف تضربين طفله ماتستوعب عشان تصرف هي ماتفهمه
استغلي البنت في صالحك .. ربيها ورتبيها واعتني فيها
تعاملي معها بـ اسلوب كويس تراها بكرا بتتربى مع ولدك وتربيتها بتنعكس عليه
ضربيتها ؟ بتضربه
صرختي عليها ؟ بتصرخ عليه
وممكن تجي ايام مراهقتها وتصاب بحاله نفسيه توديك بدآهيه انتي وولدك ..
فـ احسني التعامل معها واكسبيها
يالله ايش القلب الي عندك الي تضربين بنت بهالعمر ..
غيركم يتمنى اطفال وانتي وامها جالسين تترامون...
وانصحك بعد تشاركيها نشاطات مثلا تسوون كيك ولا تساعدك في رضاعة اخوها ولا السيريلاك وتخليها تمسك معك الرضاعة وترسمون سوا واكيد بتحبك وبتتغير ان شاء الله