انا وزوجي وابوي واخوي وحياتي وحريتي والانجاب

مساء الخير بنات

الي عندي وباحكي اكم عنه هو فضفضه لان الوضع يمكن ماله حل او بالاصح له حل لكن الاطراف المعنية رافضه الحلول

مشكلتي غريبه شوي ووالله ماهو عقوق ولاشي بس بتفهمون مع الشرح

انا ساكنه بمدينة بعيد عن مدينة اهلي وعايشه مع زوجي احالنا مارزقنا الله باطفال لين الحين

المهم

تعرفون ازواج ولحالنا ناخذ راحتنا بكل شي لبس وتلفزيون وماعندنا وجبة ثابته او بالاصح عندنا بس الوقت مهو ثابت ولاشي

وزوجي راعي دخان الله يهديه فا انا مخصصة له الملحق يجلس فيه يدخن ويشيش وكلش وانا اجلس عنده ولا انكتمت رحت للصالة وهكذا يعني

ماعندي شغاله بحكم اني ما احتاجها البيت مايتوصخ مثير والغسل بمزاجي متى مافضيت وموظفة في بنك يعني ماطلع الا 4:30

الي صار انه حصل ظرف معين مالي انا ولازوحي علاقة فيهيستوجب على اخوي وابوي انهم يتناوبون على الجيه عندي كل واحد اسبوع

طبعا احسب الوضع مؤقت وقصير فا استاجرت شغالت تنطف البيت عشانهم وتطبخ لهم الغدا وتجهز لهم القهوه

ابوي ستيني واخوي ببداية الاربعين ومتعودين على نظام معين

للاسف الوضع طول صح انه اخف الحين وصاروا بدال مايقعدون الاسبوع كله يقعدون يومين ثلاثه بالاسبوع بس ولو

طبعا هم ياعمري دايم يقولون لي لاتكلفين على عمرك ولا تجهدين نفسك حنا نصرف انفسنا بس انا ضميري يإنبني عليهم وزوجي يتوتر يبيني اقوم بالواجب على اكمل وجه

اضطريت امشي الشغاله لانها 3500 والمبلغ صراحة كبير شوي على كل هالفترة وانا اشوف اني وزوجي احق فيه

الحين حلفوا علي ماسوي لاشاهي ولاقهوة ولا غدا مادام مافيه شغاله وزوجي مرة منقهريبي يكرمهم ويقدرهم وهم ان سويت شي زعلوا وانا ضايعه بينهم فا شكلي باجيب الشغاله عشان افتك من وجع هالراس مع اني ماحب الحبشيات بس وش اسوي

للعلم قدمت شغاله قلت راتبها وتقديمها اهون علي من ذولي ولاصار عندي شي باخليها ولا قضت حاجتها بأجرها

المشكله مو بس كذا

المشكلة ان ابوي واخوي مايعلموننا لين جو يجون وانا التمس لهم العذر انهم كبار ومايعرفون ان الحين الوقت تغير وان الناس تاخذ راحتها بالبيت باللبس وبالطلعات وبكل شي

ياما كنسلت عزايم وطلعات للناس عشان جيتهم الفجائية وهالشي يقيد حريتي ويضايقني خصوصا اني بديره بعيد عن اهلي هالعزايم توسع صدري وتغير جوي

وفي اشياء ماقدر اروح لها لاجوا مثل المشغل والنادي وهالاشياء وانا زوجي مستاجرلي سواق اتعامل معه بالمشوار ولين جو ماروح لانه مايبوني اطلع مع سواق فالازم هم يودوني وزوجي لين شافعم بيودوني قال لا خلاص انا اوديها وبعدين يعصب من المشاوير

هذا غير انه تقيد بدخانه وشيشته وهالشي مخليه معصب طول الوقت ومع انه مايقول بس ادري انه متضايق وهو مدمن تلفزيون ومباريات وينقهر مره لاصار فيه مباراة وماقدر ياخذ راحته وهو يشوفها تصبير عيونه عالتلفزيون وهو قاعد معهم ومايدري وش يقولون

هذا غير اننا قبل لاخرب شي ولا نقصنا شي بالبيت نصبر عادي لين تطلع الرواتب الحين مانقدر ونضطر نكمل النواقص ونصلح الي يخرب اول باول

واذا توصخ البيت لازم يتنظف اول باول وانا كنت انظفه لاروقت ولا لا عطلت الجمعة

والله يابنات اني بحالة مايعلمها الا الله وعيب اتكلم وانشكى لخواتي لان ان دروا ابوي واخوي قسم فشيلة واخاف ماعاد يجون بيتي ابد ولا اتشكى لاي احد وحتى زميلاتي بالدوام اخاف احد ينقد علي ويقولي كيف ما تتحمل اهلها ذي ماعدا وخدة شكيت وقالت لي مادام الوضع طول خلاص لازم تسترخين انتي وزوجك ولازم يتعودون هم لين جوا يهتمون بانفسهم انتي موظفة وترجعين مرهقه وتعبانه والجمعة والسبت وقتك الي بترتاحين فيه

وصرت معصبة وشايله هم طول الوقت مع انهم مايكلفون على الواحد بس ان وجودهم يوتر زوجي مايبي منقود عليه

بس والله اني تعبت من الضغط والي يقهرني امي و مرة ابوي ومرة اخوي ولاحسوا ولا ترا ابوي واخوي يبون ياخذون شقق لو ان حريمهم يجون معهم بس حريمهم يعيون يبون يقعدون عند اهلهم ويستانسون معهم على حسابي وخصوصا زوجة اخوي لان ماعندها احد يدرس وعندها شغاله ولا زوجة ابوي و امي عندهم عيال يدرسون

كل الي ذكرته مايهم ابد عند اننا نحاول نحمل وسبحان الله تتسلط ايام التبويض لاصاروا فيه وحنا خلقة متاخرين 😔 وماراح مقدر نسوي تلقيح ولا شي والوضع كذا خصوصا انه يبيله تردد عالمستشفى والنفسيه بالمرة تتعب مع الهرمونات

انا كتبت هالموضوع للفضفضه ولطلب الدعاء

ادعولي ربي يكشف هالهم عني وترجع حياتي لمجراها الطبيعي ويزول هالظرف الي انا تضررت منه تعبت والله العظيم لعل من فيكم دعوتها مستجابة

ادري انكم تشوفون موضوعي تافه لكنه والله هامني مره

ادعولي ولو عندكم حلول لي لاتبخلون علي فيها