انا وزوجي والاجازه

الحمدلله الذي بنعمه تتم الصالحات. الحمدلله كان زواج بنتي في شوال باحلى مايكون يارب لك الحمد. جونا اهلنا من الجنوب اهلي واهله وحبايبنا
ودحين انتهى الفرح والكل سافر بلده وكالعاده كل سنه لازم انزل عند اهلي بما اننا عايشين في مدينه تانيه غير ديرتنا. زوجي ماراح يعترض لكن على مضض يقول بجلس لوحدي وماقدر استغني عن وجودك بحياتي
خلي الاولاد يجلسو وانت انزلي اسبوع وارجعي نعيش كم يوم لوحدنا وزي كدا. لكن انا طول السنه في البيت ومانقصر معاه
احيانا انزل في نص السنه بس نادر زي مثلا هذي السنه نهاية شعبان نزلت لوحدي انا وولدي الي بالمتوسط ثمان ايام عشان احضر ملكة اخويه وماقصرت معاه متواصله واكلمه اتطمن عليه وهو ماتجي المراهقه الا لما اسافر وحتى شكلي وريته مباشر وصور وكل شي. عشان عندنا ملكة اخويه فصلت اللبس الهندي والفل ومكياج الكوفير والحنا صار كاني عروس كانه غمرتي سبحان الله اتصل وقلي وريني شكلك ووريته رغم اني مااحب ارسل لكن اضطريت المهم عجبه مره احسه زي الطفل لو اعانده او ارفض يقلب علي وانت مومهتمه زي الناس الي توري زوجها ومدري ايش المهم اني ماقصرت حتى وانا بعيد
ودحين مع زواج بنتي اهتميت فيه وماشاءالله اتصورت انا وياه صور تهبل مع المصوره بعد ماتصورت بنتي.وماشاءالله سويت زفة بنتي تجنن وبعدها سويت زفه لي ولزوجي من فوق الدرج الين عند العرايس زفه ولا في الخيال كان لابس بشت وانا سكري يجنن قالولي كانكم العرايس وصورتنا فديو وخليته يستانس وسلم على بنته كان زواجنا يهبل بكل المقاييس وحجزلي فندق قسم عرايس😊بس مو نفس الفندق الي في بنتي ودحين يقلي بتسيبيني شهر ونص بعد دا كله. قالها بحزن مو بزعل بصراحه فداخلي مره حزنت لكن ماحبيت اوضح عشان لايكبر الموضوع قلتله كلها ايام وتعدي. ابغى طريقه اقله فيها خلينا نتهنى بالاجازه مع اخواتي لاتجلس تتصل كل شويه لان لما يتصل لازم نتضارب وتحصل مشاكل وينكد علي فين رحتو ليه تاخرتو طيب مو كفايه طول السنه ماعندنا اهالي واولادي يطفشو ويستفقدو لاهلهم وعيال خالاتهم وجدتهم ، تخيلو احنا اربع اخوات كل وحده فبلد ونزبط حجوزاتنا عشان نلتقي شهر كل سنه يعني بالقوه نزبط امورنا وكل وحده في اخواتي ازواجهم نفس الشي الي يجلس لوحده او يسافر او عند اهله.
مع العلم ان زوجي كمان ماعنده اهل في مدينة اقامتنا وحتى لو جا عنده احد واحنا مسافرين يجلس برضو يقول طولتو
كيف افهمه انه لاتتصل كثير ولا تتعبني