انا وزوجي والراتب ساااااعدوني

بسم الله الرحمن الرحيم

السلام عليكم ورحمة الله وبركاته

خواتي عضوات منتدانا الغالي انا عندي مشكله ومحتاجه تشورون علي فيها وتدعون لي بحاول اكتبها باختصار وبنتتظر

النصيحه والراي السديد ان شاء الله

انا متزوجه وهذي السنه الخامسه لي لكن ماعندي اطفال الى الان اسال الله انه يرزقني وكل محرومه الذريه الصالحه

عاجلا غير اجل


ثاني شي انا الزوجه الثانيه يعني زوجي كان متزوج قبلي وعنده اطفال

ثالث شي انا موظفه نفس مجاله يعني دوامنا مع بعض لكن التخصص يختلف نروح ونرجع سوا

المشاكل طبعا على هالراتب وانا موظفه من سنتين فقط بالبدايه كان ياخذ بطاقتي الصرافه ويسحب منها على كيفه

رغم انه مهو محتاج لان راتبه راهي بعد

واول راتب استلمته بدل ما افرح فيه اخذه وسدد ديونه وبقى على هالحال يسدد ديون من راتبي

بعدين قال لي اخذ له قرض عشان نوى يشري ارض ونبني وهو بعد بياخذ قرض وقلت له طيب واخذت القرض ولا

شرى ارض ولا بنى يقول يبي يشغلهن اول وكله كلااااااام بس


واخذت له قرض عطوني 115000 ريال ميه وخمس طعش الف ريال وصاروا كل شهر يخصمون 2400 من راتبي لمدة

خمس سنوات

ولمى اخذ القرض اتفقنا ان خلاص راتبي نجمعه ونسوي فيه شي ينفعنا بالمستقبل و بقينا على هالحال كم شهر

وبيوم اخذ البطاقه يسحب لي 1000 ريال هذي مشيتها لامي وذاك اليوم ما رجع البطاقه وكل يوم وهو يسحب

وصار يسحب بالهبل انا زعلت وقتها وقلت له وين اتفاقنا صار يسحب بدون حساب يوميااااااااااا انا انقهرت صراحه

وطلبت منه يرجع البطاقه رفض بالول وقال مالك شغل فيها وبعد مشكله رجعها وطلع زعلان


ومن ذاك اليوم الى الان مايكلمني وهو ينام بغرفه وانا بغرفه ولمى اجي اتكلم معه يقول اصبري ماشفتي شي

للحين وانا بروحي بالبيت وتعبت نفسيتي حيل

معقوله كل المحبه الي كانت عشان الفلوس بس

انا الحين مهما صار ماراح ارجع له البطاقه عشان اشتري سعادتي منه بالفلوس

لان هو بتصرفه هذا يثبت لي هالحاجه هذي

وانا محتاره تكلمت معه كثير لكن مافيه فايده

قلت له اليوم انت باسلوبك هذا جالس تهدم حياتك واذا هدمتها والله ماراح تنبنى مره ثانيه يعني اذا طلعت من حياتك

هالمره تاكد اني ماراح ارجع مره ثانيه تدرون وش قال يقول اتفلي بلحيتي اذا جيت ورديتك

قلت طيب ابي اعرف وشو انا بحياتك قال انتي اغلى من روحي لكن الطمع اعمى عينه

انا فاهمه عليه يبي يضغط علي لمى اتراجع لكن انا مستحيل اتراجع بعد هالتصرف لو اخسر حياتي معه

والمصيبه تدرون ايش اني احبه احس لو بعدت عنه بموت لكنه زودهااااااااااااا

انا ماارضى ياخذ فلوسي ويصرف على عياله وزوجته من تعبي حرام عليه

شوروا علي شسوي معاه الحين اترك البيت واطلب الطلاق والا ايش اسوي

تعبت حيل معاه الى الان مع قيمه الغرض حوالي 200000 ماخذهن والله حرام

ساعدوني لو بدعوه