الســــــــــــــــلام عليكم ورحمه الله وبركاته
اخواتي عندي مشكله وابغى آرائكم فيها بكل صراحه وانا اظن ان كثير من الاخوات المتزوجات يعانين منها ومن لقت الحل تساعدني
المشكله هي سفر زوجي
يمكن تقولون لي عادي والرجال اذا يبي يسافر ماحد يقدر يمنعه
لكن اللي يسافرون مو زي بعضهم وظروفهم مختلفه وحياتهم مع عائلاتهم تختلف ولا ماتتفقون معاي ؟؟؟؟
انا متزوجه من اربع سنوات اسمع بشهر العسل وما شفته والصراحه رحنا عمره بس وزيارات للاقارب مافيه مو رفض منه لكن يقول بكره وبكره يقول بكره ونقعد على هذه الحاله لين امل من المشوار وامل من نفسي
واذا خرجه يقول يوم الخميس نطلع ويجي الخميس يأجل من جديد وهذا حالي معاه
في العيد السعيد اللي الناس تفرح فيه انا مافرح مثل باقي الناس مو بخل منه يعطيني اللي يكفيني وزياده لكن مايوديني السوق الا بطلوع الروح وبالزعل والبكاءواروح وماكمل اغراضي ولا اغراض بنتي وليله العيد احاول الحق نفسي اتصل على امي تشوف واحد من اخواني يوديني السوق واحس باحراج او اطلب من اختي تكمل اغراضي كاني شحاذه
وبالنسبه لاغراض البيت وهنا يمكن تقولون ابالغ لكن انا مسؤوله امام الله عن كل كلمه اكتبها مغسلة المطبخ عندي خربت وكانت تغطي ارضيه المطبخ كلها بالمويه تعرفون كم اخذ مني وقت عشان يصلحها سنه وزياده كم شهر كنت حامل لما خربت كملت حملي بفضل ربي واخذت الربعين عند امي وبنتي سارت في شهرها الرابع او الخامس يوم صلحها
ونور الحمام اخذمنه سنه للتصليح ولو ماكان وقتها له موعد مع ضيوف بيجوا في الليل ماصلحها
يعني لاخرجات ولازيارات ولا هتمام بالبيت وبيتنا ايجار وزوجي ماعنده سياره وراتبه بسيط
وبكلامه اللي زي العسل تحملت لامبلاته وبروده الى ابعد مايوصل له صبري لكن سفره يقضي على طاقتي اللي افرغها في الصبر بعد كملنا سنه زواج قال انه بيسافر مع اصحابه لجاكرتا وانه يتعرف على المدينه ولما يرجع نسافر وراح لمده 15 يوم ورجع بالسلامه الحمدلله وباقي ايام اجازته قضاها في البيت عشان يرتاح ويستقبل ضيوف حابين يستفيدوا من تجربته يعني ماكلف على نفسه يقول زوجتي وبنتي اعوضهم
وبعدها بسنه قال انا وانتي نسافر وقلت يابنت صبرتي ونلتي اخيرا الحمدلله واخذ اجازه وبعد فرحت بشهر العسل المتاخر تدخلوا اصحابه وقالي ام اجوان انا اروح معاهم ونرجع وانا وانتي لما ارجع واعطاني وعود لها اول مالها آخر ولما رجع هو على حاله واسواء سار بعيد عني مره بعيد طلبت منه عمره بس اقوله ابغى الحرم يقول بكره بكره الاسبوع الجاي ***** الله نروح وعلى هذه الحاله لمده 8 اشهر وانعم الله علي بالحمل للمره الثانيه وماقدرت اروح الحرم والان انا في شهري الثامن ويقول بيسافر (3) مع اصحابه ولما وقفت بوجهه هذي المره ورفضت سفره تغير مرررررررررره سار يهتم بي ويخرجني واذا طلبت نخرج نتمشى على طول يلبس ويمشي وسار قريب مني مره ولايسهر خارج البيت الا في النادر ويقول لما تولدين ***** الله نروح مكه يومين ونروح المدينه اربع ايام وطبعا رغم معرفتي لمعزتي عنده عارفه ان اللي يسويه مو عشاني ولا عشان يعوضني عن السنوات اللي راحت ورغم اني اعيش ملكه هذي الايام الا اني رافضه سفره للمره الثالثه رفض قوي صريح ولو توصل للطلاق
آآآآآآآآآآآآآآآآآسفه اطلت عليكم ارجوا منكم الرد بكل صراحه انا معاي حق او لا؟؟؟؟؟؟؟؟؟؟؟؟؟
سلمى عطيه @slm_aatyh
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
اعرف وحده اكتشفت ان زوجها يدخل مراقص وشقق فيها بنات اثناء سفره , ومنعته بكل قوه وسايرها وعيشها ملكه مثلك وكله عشان يبي يسافر , واخرتها قالها بوجها انا بسافر وقالت له طلقني وطللللللللللللللقها للاسف
وهذي هي لها اربع سنوات جالسه تربي عيالها عند اهلها وامها وابوها شغالين فيها وفي عيالها تهزيئ
وهو حضرته تزوج وحده ثانيه انا شفتها بعيني ملكة جمااااااااااااااااااااااااااااااااااااااااااال ومتهني معها
وهذي المسكينه قالت ياليتني صبرت عنده واستمريت ادعيله اهون من وضعي الحين بالف مره