انا وزوجي والكره اللي بينا والعيال

السلام عليكم ورحمة الله

كيفكم خواتي

بدخل بموضوعي على طول

انا قدااام قرار مصيري فحياتي قصتي طووويلة ومؤلمة عشت ايام الله اعلم فيها

انا متزوجة من 9 سنين تزوجت صغيرة والحين عمري 25 وزوجي عمره 40 يعني في فرق فالعمر لكن النصيب يصيب وعندي بنوته عمرها سنتين تزوجة زوجي وتاكدة انه ما يحبني سبحان الله كان باين من تصرفاته معاي

لكن انااا غبيييية قلت اكيد بيتغير وتسع سنين ما تغير سبحان ربي اول 6 سنين ما رزقنا بعيال لا انا فيني شي ولا زوجي

بعد كذا حملي جا صدفة سبحان الله وجبت بنوته ربي يحفظها لي

اللي صار اني انا كااارهة زوجي والله يا بنان ما اطيقه ااابد يعني لو الحين اشوفه قدامي ميت يمكن افرح ايييه صدقوو والله

حياتنا معدوومة لا مشاعر حب ولا شي من يوم تزوجنا ما سمعت منه كلمة حلووة والله ولا بعمره مدحني ولا بشي

مع اني اقسم بالله احلى منه بكثييييير بشهادة الجميع

ااااه يا بنات دمرني نفسيا كرهني بنفسي انساان ما يحب الا نفسه يعني لو ابوه يموت قدامه او امه عاادي عنده ما تنزل دمعه من عيونه

عدة مرات طحة بالبيت واصارخ وابكي ولااا يكلف على نفسه يقوم يشوف ايش صارلي

معدوم الاحاسيس والمشاعر لا تقولو يمكن في فيحاته وحده اقوولكم لاااااااااا ومتاكدة من هالشي هالانسان ما يعرف الحب اساسا

العلاقة الخاصة اناااااني ما همه الا نفسه كلها خمس دقايق يخلص حاجته ويقووم كانه نايم مع وحدة من الشارع

من يوم تزوجنا نفسي يضمني نفسي يقولي كلمة حلوة يواسيني يحسسني باهتمامه لااااااااا والف لاااا هالشي مستحيل

كل الاشياء هذي كرهتني فيه الحين علاقتنا منقطعه من شهوور اساسا قبل كذا من سنتين ما يقربني الا كل شهر مرة

بعدين انا صرت ما ابييه يقربني اببد كرهة اناظر بوجه حتى صوته اكرهه

صار يلمح انه بيتزوج قتله الله معاك والله ما اتحسف عليك وعلى ايش اتحسف عالحب اللي بينا او على ايش

المهم قصتي طووويلة واشياء كثيرة ما قلتها

خواتي بالمختصر يا بيتزوج يا اما يبي اطفال يعني بنسوي طفل انابيب

اول شي انا ما همني يتزوج لكن ما اقدر اعيش مع وحدة ثااانية وما اقدر اطلق هذا الشي ما يصير عند اهلي

والشي الثااااااني ما ابي اطفاال من شخص اكرهه وما اطيق اناظر بوجهه بالله قولولي كيف بجيب اطفال وانا هذا وضعي معه

ااااااااااااخ راسي بينفجر حياتي معقدة ومو عارفة ايش اسوي

وما اقدر اعلم احد بوضعي بالله وش اسوي

زوجي يبي يلحق على عمره يبي عيال عمره صار 40 وما عنده الا بنت

يعني الوضع ملخبط ااااااااااخ بس تكفووون وجهووني