كوبونات الراقية تسجيل الدخول

flower on the moon

انا...... وزوجي....... والوظيفة

الأسرة والمجتمع •

السلام عليكم اخواتي بنات حواء



ترددت كثيرا قبل ان اكتب موضوعي بس شفت نصايحكم مع بعض الله يديمها محبة و تناصح بينكم
قصتي يا بنات اني عروس توي ما كملت شهرين وزوجي مهوب قريب لي بس نفس القبيلة تقد م لي بنفس الوقت اللي هو متقدم لي فيه كذا شخص و سبحان الله استخرت وارتحت على الرغم من علمي انه زوج مطلق من اكثر من امرأتين ولكنهم شرحوا لنا الاسباب وانها كلها اشياء ما يتدخل هو فيها على كلمهم و حلفهم وانهم ما يحطون بذمتهم شيء... صارت الملكة واخذ رقمي من اخواني و بدأ يكلمني بالتدريج لين تعلقت فيه حسيته رومانسي و يتكلم بالمثاليات وبس يمدح نفسه.. ومن جهة ثانية جتني اخبار عنه كثيرة انه يتزوج بس موظفات علشان يستغل رواتبهن .. بس الناس كلهم ثقات وكل دخان له نار ونفس الكلام قالوه كلهم مع انهم فئات مختلفة الى درجة الرجال ... انا خفت اني اتطلق وانا توني و قلت بسيطر ع الموقف بكون حريصة من البداية وباخذ اجازة بدون مرتب علشان ما يتعود من البداية.. لكن في زواجي وبعد تقريبا يومين او ثلاثة ناسية يقولي عطيني بطاقتك بسدد فاتورة الجوال بطاقتي موقوفة من البنك ما راجعتهم الى الان وسكت مستحية بس عاد الكلمة مرة ثانية وقال الكريم يلمح له و البخيل يشحذ قلت خذه انا نسيت لاعطيك مع اني ما نسيت بس وش اسوي بهالموقف قال خلاص ما ابي ... سكنا بمنطقة بعيدة عن اهلي وكذا مرة رحنا لسوبرماركت يتقضى ويقول اصرفي وسددي ما معي واذا كنا بالسيارة وقفني عند الصرافة و يقول اصرفي و يحط بجيبه... والامر الادهى احرجني وانا نازلة من السيارة يقول عطيني بطاقتك باصرف الفين اجار الشقة ... لانه يدفع بالشهر شقة مفروشة وانحرجت وعطيته مع انها بخاطري الكلام صارله يوم ونص وشافني صار بخاطري وكل شوي يقول انتي منتي طبيعية فيك شيء مع اني احس انه حاس بس كذا يسأل وقلت له بالصريح انت متزوجني انا ولا راتبي قال انتي وما فيها شيء تدفعين اجار الشقة انا ما معي الحين بس انا الان ما عرفته علشان اثق فيه وقال كلام كثير انتي بخيلة وما تبين تصرفين الا على نفسك ويذكر محاسن زوجته اللي يقول انه طلقها لاني شفت بطاقة العائلة اسمها موجود الى الان يقول انا طلقتها وما جوا اهلها ياخذون ورقتها الى الان علشان كذا مرفوقة الى الان يقول كانت تعطيني فلوس ولا تذكرهن وعطتني 100000 وهذا ما سمعته من الناس كانت مدلعته بالفلوس ويبي كل الحريم مثلها.... يا بنات انا احترت احس حتى الرومانسية فقدتها مع اني مرة مليانة عاطفة من كثر التفكير وهو بس خايف اني اعلم اهلي الى الن يرسل يقول لا تطلع شيء لاهلك وفلوسك بردهن وهو مو فاهمني الفلوس ما همتني بس خايفة انه استغلالي يقول شوفي معظم المدرسات كذا بطاقاتهم مع ازواجهن ...

خواااتي انا التجأت بعد الله لكن ابي المشورة لاني ما اقدر اكلم اهلي و اعلمهم بالموضوع بالوقت الحالي...ارجو الرد سريعا ويكون رد عملي وش اسوي .... والله يعطيكم العافية مقدما




(الله يعافيكم اللي ما عندها رد تدعي لي بظهر الغيب والله اني ادعي لكل وحدة نصحتني)
110
6K

يلزم عليك تسجيل الدخول أولًا لكتابة تعليق.

تسجيل دخول

انا ميميييي
انا ميميييي •
up
لولي هانم
لولي هانم •
الله يعينك ويصبرك اختي...

لو انا مكانك بطاقتي بعطيها لأمي تجلس عندها وبقولة كذا عشان يحس على دمه واخلية يزعل بالطقاق...

بس انتي ادرى بزوجك اخاف تسوين زيي ما قلت ويصير بينكم الله لايقدر طلاق او شيء...
flower on the moon
flower on the moon •
مشكورة انا ميمي على الرفع
مشكوره لولو هانم على الرد بس المشكلة حياتنا كيف بتكون بعد هذا الوقف؟؟
flower on the moon
flower on the moon •
up
هــنــاء
هــنــاء •
شووفي الله يسلمك اناا احس ان زووجك طمااااااع... من كلامك ولا وحده لهاا يومين ويبدى يقولهاا وين بطااقتك ومن الكلام ..

وثااني شي مو من حقه يطلب منك انك تصرفين على اي شي ..هو ملزم من مااكل ومشرب ولبس من كل شي فهمتي على .. ولا ليش يعرس يبي وحده تصرف عليه ...الله يزمن

وطريقة صرفك ترجع لك انتي يعني برغبتك مو اجباار منه وخرط فااضي..

والمفرووض تعلمين اهلك عنه وخليهم يركزوون الرمح من اول ركزه لا تصيرن ضعيفه عنده علميه انك عندك سند وظهر تسندين ظهرك عليه.. يعني خلي ابوك يسووي معه اجتمااع سري مع ابوه وينااقشون المووضوع بسريه تاامه ويتفقون معه.. بطريقه هذي متصرفين ولا رياال الا رغبه منك انتي..

وخليه يقول الي يقوله خلي يقول انك طمااعه.. وزوجته الاولى تصرف عليه.. وقوولي له وكلن وطبعه وصاابعك مااهي واحد

وانتي اذا قاالك كذاا ..

قوولي رجل فلان رجلهاا هو الي يصرف عليهاا وفلان مدلل زووجته بكذاا اقهريه مثل مااهو يقهرك .. موتسكتين على الذله. وانتي ثااني شي مو بحااجته ..

وطلاق يااحبيتي مااهو عيب العيب انك تسكتين على االذل من اولهاا

والله اني انا مااحب اني افتن بس مدري ليش تفااعلت مع مووضوعك يااقلبي

يعني من اوولهاا حرام الي يصييير يعني بعدين اجل وش يبي يصيير

والله اني اعرف اناس كثيرين متزوجين موظفااااات ولا يااخذون ولا رياال كله على ازوجهم

والله يعينك ياااارب