انا وزوجي وامي ساعدوني الله يسعدكم

السلام عليكم
انا متزوجه وعندي بنت
وقدر الله وامي تعبت لدرجه انها ناخذها للحمام وانتو بالكرامه
وماعندها احد عندي اخت وحده راحت تدرس معا زوجها بعثه
انا ساكنه بمدينه وزوجي عمله بمدينه يداوم شهر ويجيني شهر
صح هو مو راضي ع الحال بس مقدرني لانها امي بالنهايه من لها غيري
اختي لما تخلص بتجي تسكن عند امي هي وزوجها
وبعدها برجع لزوجي
المشكله الفراغ اللي يحسه زوجي موطبيعي
وحاول اكثر من محاوله يدرس يعني يكمل دراسه لان شهادته دبلوم ويبغى يكمل بكالريوس
بس ماينقبل
نسبته الثانويه 78,5
والقدرات72
بس ماختبر تحصيلي لانه وقتها كان مافيه
وش الجامعات اللي يقدر يسجل فيها لاني ودي يشغل وقته وخاطري مكسور عليه
لانه مايعرف احد ويستحي يسأل
بالله ساعدوني لاني يسألني كثير وانا ودي اساعده بس ماعرف احد ووقتي كله معا امي الله يطول بعمرها ويعطيها الصحه
علما ان شغله بالرياض
وش اسم الجامعات والمتوازي ايش هاذا
اللي بتساعدني الله يرزقها بر ورضى والديها
ويسعدها بالدارين
ويرزقها من حيث لاتحتسب
يالله ياكريم