حواء عضوه :

لو سمحتي ياصاحبة الموضوع تقبلي كلامي بصدر رحب بس لما قريت موضوعك انقهرت عليك تبغين الصراحة الغلط الأساس منك نعم أنتي الغلطانه لاتحملين زوجك الغلط وأنتي سببه فيه كذا سؤال أبغى أسألك ياه وياليت تجاوبيني عليه لو سمحتي: أولا دامك تدرسين وجامعتك مهمة وماتقدرين تتركينها ليش تزوجتي من الأساس وأنتي عارفه إن زوجك يشتغل برا المدينة؟ الزواج إستقرار وعشرة مو يجيني كل ويكند وحتى لو حط لك بيت وسكنك فيه عيشتك كذا لاتطاق ماتشوفينه إلا من أسبوع لأسبوع وش فايدة الزواج أجل زوجك على ماعودتيه هو ماتعود على وجودك فكيف تبغينه يرتبط بإلتزاماتك وهو عارف أن حده يجلس معك يومين بالأسبوع كأنه زواج مسيار لايفرق تماما لو إنك رايحه معه للمدينة اللي هو فيها وساكنه معه من بداية زواجكم ومأجله الدراسة أو ناقله كان حس بفرق عن حياة العزوبية وحس بالمسؤولية غصب لأنك ملازمته 24 ساعة ومقابلك طول اليوم وأهله وإصدقاؤه مو معه مشكلة الوحده منا تبغى الزواج وتبغى زوجها يهتم فيها وبالمقابل تسوي أشياء ماتحافظ فيها على هالزواج حبيبتي اصحي لنفسك وارسي على بر تبغين حياة زوجية زي الناس والخلق روحي مع زوجك ولاتخلينه يسير عليك تبغين دراستك تحملي هالحياة ولا تتشكين الزواج مو فراش وبس الزواج منظومة حياة شراكة عمر أعيشها مع الشريك يشاركني بكل شيء بحياتي وبكل تفاصيلها وعشان تتحقق هذه الأشياء لازم نتنازل عن رغباتنا اللي تعيق تحقيق هذا الهدف ونضحي مو نبغى نحصل على كل شيء وحنا مو قادرين نتنازل عن المعوقات وأنا أقصد بالمعوق دراستك فنصيحة من أخت تحبك لاتدمرين حياتك وتعودين زوجك على غيابك لأنه بعدين يصير صعب تغيرينه حتى لو حاولتي حدكم في بداية حياتكم وبخصوص مصروفك فلا تتهاونين أبدا في هالشيء وخليه أهم أولوياتك بعدين يتعود عليه ويصير مايصرف عليك حتى لو سكنتي معه بعدين ولاتضعفين ابدا خليك قوية بالحق . اعذريني إذا قسيت عليك بس حزني وضعك وأتمنالك الخير الله يهدي سرك ويسعدك مع زوجك ويديم عليكم السعادة.

لو سمحتي ياصاحبة الموضوع تقبلي كلامي بصدر رحب بس لما قريت موضوعك انقهرت عليك تبغين الصراحة الغلط...