انا وزوجي وبناتي ومعاناتنا مع .........

السلام عليكم وحمه الله

انا طبعي ما احب العزايم الكبيره والاجتماعات واخاف على بنات لأنهن التوائم الوحيدين بالعايله واذا رحت ما اخذ بناتي ويوم الاربعاء والخميس كانوا اقاربنا وجماعتنا مجتمعين باستراحه ورفضت اروح ومنعني زوجي ورحت بس ما اخذت البنات وخليتهن عند زوجه اخوي لأنها نفسي ماتحب الاجتماعات وآمنها على بناتي ورحت وهاوشتني وفشلتني ام زوجي قدام الحريم ليش ماجبتي البنات ماتبينهن يعرفن اقاربهن وتقولي مليتهن عند الغريبه <تقصد زوجه اخوي > سكتت وكملوها اخوان زوجي يحرضونه علي ليش ما جبت البنات ومن جينا للبيت وهو يهاوش علي واذا كلمته ما يرد ومر اليوم على خير
ويوم الخميس خذتهن معي كله عشان ما يجيني كلام والله يابنات انهم تقولين ماعمرهن شافوا بنات واللي تبي تصورهن واللي تروحهن للرجال تبي فلان وعلان يشوفهن وللي تدعي ان الله يرزقها مثلهن واللي تقول بناتس هاديات عكس ولدي ولا بنتي وبناتس يستحن ووو لدرجه ان سلفتي زوجه اخو زوجي سألتني محصنتهن والله يابنات والله ما جاء المغرب الا ووحده منهن منكب عليها شاهي على فخذها وتزلغ جلدها وطلعت ماجلست معهم ورجعت للبيت الا والثانيه جتها صيحه ماسكتت الا 9 الصبح شربتها مويه زمزم ومقري فيها وغسلتها فيها وقرا ابوها عليها ما سكتت واهو تندم على اخذهن معنا وقالي بلسانه حلف بالله ما عاد اخليهن يروحن للناس غير اهلي واهلك مايجي من وراهن الا البلاء ومنعني اني اروح اليوم واتصل باخته وقال خوذي لي منهم ابيه للبنات

بس من رجعت والكلام طالع علي وماخلو شيء ماقالوه عني والله اني صحت لين شبعت منهم واللي يزيدها بعض الكلام من ام زوجي وحاولت في زوجي اروح اليوم بس انا معه والبنات ما اخذهن ابي عشان ما يزيدون بالكلام ورفض ومنعني يقولي ان طاوعتي كلام الناس ما خلص

اسفه طولت عليكم بس من القهر والظلم وابي افضفض لكم

شوروا علي فيه حل لهم ان تركت الجمعه ما رحت ما سلمت منهم وان رحت ما تركوني بحالي

بالله وش الحل معهم ؟؟وهي مو اول مره تصير بس هالمره كبروها وطلعوا كلام اكثر :(