@الحمدلله@ :

حبوبة ..لايصير تركيزك مشتت ولاعارفه تميزين بين مشكلتك ..وبين تحسسك من وضعك ونظرة المجتمع لك ...ومبررات زواجك ..ومابين اللي ينصحك بصدق ..,واللي يجاملك .. حبوبة وهالكلام ماهو موجهك لك بشكل شخصي ..لكن لاحظت أي زوجه ثانيه تكتب مشكلتها بالمنتدى ..ترجع وتعيد وتزيد بسالفة كيف تزوجها ..وليش ..وتأكد على سالفة يحبني ..ويحب أهلى ..وانا ماخطبته هو جاء لحد عندي ,,.وووووإلخ ..!! أنا موفاهمه أيش السر في تكرار هالكلام ..وشو بيفيدنا إحنا كعضوات ..!! تزوجتيه بأي شكل وبأي طريقه ..هذا مايخصنا ..ومالنا حق نعرفه .. يحبك مايحبك ..هذا بعد مايهمنا نعرفها ..اللي بين الرجال وزوجته مايعلمه الا الله .. والحياه الزوجيه ماهي قائمة على الحب وحده ياكم وحده زوجها يموت فيها لكن يخونها ..ويلعب بذيله من وراها ..وبعضهم تزوج عليها ...وبعضهم تفقد أدني حقوقها بالمصروف والنفقه والإحترام ..!! كون بينكم خلافات ومشاكل ..هذي مايخلو منها أي بيت ..سواءآ كان مبني على الحب أو لأ .. خدمتيه أو ماخدمتيه ..هذا واجبك كزوجه ..ماهو فضل منه ..ولالك منه فيه .. يحبك ويعزك ويحترمك ..هذا واجبه كرجل ..والا ليش يتزوجك ..من الأساس .. يالغلا لاتصيرين حساسه تجاه أي كلام يكتب لك هنا .. ولاتاخذين آراءنا من منطق زوجه أولى وزوجه ثانيه .. طيب لوقلت لك أنا زوجه ثانيه بتاخذين بشوري ..؟؟!! خلي صدرك وسيع ..يالغلا ..,ولاتصيرين حساسه تجاه المجتمع ..وانتي ماسويتي شيء غلط .. لأجل تبررينه لهم .. تزوجتي عى سنة الله ورسوله ..الله يوفقك ويسخر لك .. ومحد قال أخذتي الرجال من حرمته ..ولاأحد جاب طاري هالكلام .. الا إذا انتي متحسسه من نظرة المجتمع حولك ..أو سامعه كلام من أحد منهم حول هالموضوع فهذا شيء ثاني .. أنت أشتكتي شيء واحد لنا ..إنك تبين أيام زيادة ..وزعلانه من تصرفات زوجك معاك ومعتبرته ظلم لك .. وإحنا أعطيناك رأينا بهذا الخصوص ...و شايفينه مومقصر معك ..فليش مزعله نفسك ..؟! ركزي على مشكلتك ودوري لها حل ..غير إنك تطالبين بأيام ومصروف وفراش زياده ..! وإذا تشوفين آرئنا ماهي منصفه ..جربي تنقلين عنه ..وتعيشين مثلها ومايجيك الا بالإجازه ..!! وشوفي الوضع حلو ..والا لأ ..!!؟؟...يمكن لو جربتي تعرفين قيمة النعمه اللي انتي فيها الآن ..!! ماتبين تصرفين على نفسك تبينه هو يصرف عليك مثلها ..خلاص أستقيلي من العمل ..,وإقعدي له بالبيت .. وتصيرين انتي وإياها بالهوى سوى ..!! حبوبة علشان تشوفين إذا رأينا منصف أولأ ...إقلبي الوضع وتخيلي زوجك يروح لأهله بالإجازات ..لاتتخيلينه رايح لضرتك لأجل تطيب نفسك وتهدأ .. فيه عضوات مايشتكون من ضرايرهم ..لأن ماعندهم ضراير ..لكن تشتكي من اهل زوجها .. طول فترة الدوام معاها بمنطقه بعيده عن أهاليهم ... وإذا جات الإجازة وداها لأهلها وراح هو لأهله ...!! تخيلي حتى العيد تقول ماعمري عيدت معاه ..مايجيني الا ثالث العيد أو ثانيه ..!! وهي ماعندها ضره مثلك ولاشيء ....!! حطي نفسك مكانها ...هل بتزعلين هالكثر وتقومين مشكله ..وتطلبين الطلاق ..؟؟ أكيد لأ بتقولين أهله وحقهم عليه ..ومشتاقين له .ومافيه أحد غيره يقوم فيه . وأنا ضروفي كذا ..,وماراح أعسره بالروحه والرجعه وأضيق عليه ..وبتلقين ألف مبرر لوضعكم .. رغم إنه من داخلك بيكون مضايقك ..ومحزنك .. وترى هالنوذج موجود بالمنتدى كثير ..وأبحثي عنهم في قسم الحياه الإجتماعيه .. عمومآ مشكلتك ماتعتبر مشكلة كبيره تستدعي هالزعل .. لاتصيرين دبور ويزن على خراب عشه .. انتي في وضع ماشاء الله تبارك الله ..تغبطين عليه .. غيرك زوجه وحيده ولاحصلت ربع اللي حصلتيه ..!! ترى لو إستمريتي بهالأسلوب مع زوجك تجبرينه يجيبها عنده في منطقه عمله .. وساعتها لاانتي اللي حصلتي على أيام الدوام ..ولاكسبتي أيام الإجازة ..!! كونها كانت ترفض ماتبي تجي معاه ..مانقدر نقول غلطانه أو لأ .. الا إذا سمعنا منها شو الأسباب اللي خلتها ماتروح مع زوجها .. يمكن هو مايبيها تجي عندها ..ماتدرين عن زوجك وتفكيره قبل يتزوجك ..!! والرجال صاحب حيله وراعي لف ودوران ...من يدري يمكن يكذب عليك .. شوفيه شو قالك يوم تزوجك ( يبي التحصين )..والآن يناقض نفسه .. ( يبي يوفر طاقته لزوجته الأولى و الفراش بيخليه لها ) ..!!! لو على كلامه يبي التحصين ..ماكان محتاج يوفر طاقته ..لأنه بيكون قادر على إشباع رغباتكم الثنتين ولابيأثر على قدرته ..!! ماتدرين يالغلا ..لو الكلام هذا كله كذب من زوجك ..ولايبي يوفر لزوجته ولاهم يحزنون ..يمكن مجرد إستفزاز لك ..لأنه يعرف إن هالموضوع يهمك كثير ..ويقهرك ..!! أو مكابره منه وغرور .....أو ماله رغبه بالفراش من أساسه لامنك ولامنها ..وضعفت قدرته لكن مايبي يبين هالشيء ..فصار يحط زوجته الأولى عذر ..!! عمر الرجال مايعترف بعجزه ..!! أتمنى ماارجع هنا وألاقيك بعد كل هالكلام ...متحسسه من آرائنا وفاهمتها على إنها إنحياز لزوجته الأولى ضدك ..:(

حبوبة ..لايصير تركيزك مشتت ولاعارفه تميزين بين مشكلتك ..وبين تحسسك من وضعك ونظرة المجتمع لك...