دامه خلاص مسافر!! ووافقتي من البداية موقفج صعب وبايخ
انج تسوين شي اللحين!! لأنه بيكون موقفج ضعيف خلاص واعد
ربعه وأكيد مجهز أموره!!

إذا كان مجرد فكرة لازم تتخذين موقف قوي .. لأنج لو اتخذتي موقف
نص نص وفشل باجر حتى القوي ما بينفع لأنه بيقول عادي هي تسوي
جذيه وأخرتها أسافر..

كلميه اول شي قوليله ليش تسافر؟ واحنا من لنا يعني؟ بتروح عنا؟

أنا زوجي يا كثر العروض اللي تييه للسفر من ربعه
بس تعود انه يعتذر لأني من البداية قبل لا ينفتح موضوع سفر
قلتله حط ببالك ماتقولي بسافر ويا ربعي!! ودشينا في نقاشات حاميه
وكيف وليش ما أسافر!! انا بسفرج وبعدين بسافر ويا ربعي!!
قلتله يعني السفر وياي ما تعتبره سفره؟ بس تأدية واجب؟

أنا اشوف الوحده غلط تناقشه وهو مسافر !!! يا بعد ما يرجع
تعكنن عليه يا قبل لا يفكر!! لأنه بيتقبل كلامها وبيسمعه
لأنه حزتها هو مب معزم يسافر ويكون عارف انها تعبر عن
مشاعرها.. أما إذا كان معزم وهي تناقشه!! ياخذها من باب
انها هذي تبغي تمشي كلامها علي وانا معزم اسافر.. ويحس
انه لو هون عشانها .. بيكبر راسها بالمستقبل وبيحس انه
ضعيف!! يعني بيعاند وبيسافر..

الله يعينك
ياحظ الي زوجها عسكري ما يعرف السفر

الله يعينك
ياحظ الي زوجها عسكري ما يعرف السفر

خييييييييييييير!!!!!
العسكري كل يوم كانه مسافر ما يشوفونه عياله الا يومين في الاسبوع !!!!!!!!!!
يحسدون الاعمى على عماه والقرد على حمار.........
احمدوا ربكم يا ناس!!!!!!!!!

والله من البدايه مفهمته من ايام الخطبه قايلتله انا ما اداني اللي يسافر لحاله...؟؟او مع ربعه

بس يسكت ويوافق وش زينه عقبها الا واحد من اخوياه قال يالله ماقدر يجيه جني براسه ويصر على السفر ويتعذر بأمه لأن احنا من رداة الحظ اذا نوينا سفر امه قالت بجي معكم ...

ويقول علشان امي هالمره بسافر لحالي ....يعني والله شي يقهر كنه بيموت اذا ما سافر بالطيب بالغصيب ماينفع يقهرررر:(