السلام عليكم ورحمة الله وبركاته
بنات انا قصتي قصه بس بختصرها
بنات انا عضوه قديمه عندكم بس مسجلة باسم جديد بس مالي حتى مشاركات باسمي القديم وايد
بنات احنا اربع بنات خوات ما عندننا اخوان وامي وابوي متوفين المهم يا بنات انا اهل زوجي في منطقه بعيده وانا بيت اهلي في المدينة وزوجي يشتفل في العاصمة على فكره انا من الامارات المهم يا بنات انا ربيت خواتي لاني انا الكبيرة وعمري يوم توفو اهلي 17 سنة وعرسو وما بقى غير وحده وانا تعودت اقعد في بيتنا اللي هو بيت اهلى لما يكون ريلي في الدوام ولما يي اروح بيت اهل ريلي بس لما كبروا العيال ودخلو المدارس وانا الحمدالله اشتغلت لاني كملت دراستي الجامعيه وانا متزوجه صرت ما اقدر اروح بيت اهل ريلي الا في الخميس والجمعة لاني اشتغل في المدينة وعيالي مدخلتنهم مدارس قرب شغلي المهم لما نتزاعل انا وريلي يزعل وما يي يقد عندنا انا وعيالي في بيت اهلي ومرات انكمل اسبوعين ثلاثثة متزاعلين والله اني قلتلة من يوم عرسنا انه ياخذلي بيت ايجار في المكان اللي يشتغل فيه مش راضي لان الايجارات خيال توصل 300 الف وهذا لشقة وبعدين هو دوامه شفتات يعني يروح اسبوع ويي اسبوع بسم والله مليت من حياتي حياتي كلها تضحيات ربيت خواتي الحمدالله وريلي من النوع العصبي وشفت الويل من عصبيتة بس لما يعصب عادي الاسبوع اللي يكون نازل فيه ما يينا ويتم زعلان والله مب عارفة شسوي الحين انا وياه متزاعلين على اسباب تافه وهو غلطان بس انا مليت من الوضع كل مسؤليات العيال من دراسة واغراض بيت وهموم خواتي فوق راسي شسوي بنات ساعدوني ما عندي حد اشكيلة لا ام ولا ابو ولا اخو وخواتي من عرسن والله يكملن بالاسابيع ما يسألن عني وهذا وانا مربتنهن بس ما ابغي غير الاجر من الله
أحن لكم @ahn_lkm
عضوة جديدة
يلزم عليك تسجيل الدخول أولًا لكتابة تعليق.
]دلول
•
عسى الله يخليلج عيالج وخواتج ياحبيبتي الرجال يبيله صبر ومهما كان عصبي احتويه بالحب والحنان جربي لو هالمره اتصلي عليه وقولي انج مشتاقه له وخلي عياله يكلمونه حسسوه انكم محتاجين له
الله يوفقكم وييسر اموركم
الله يوفقكم وييسر اموركم
اختي تعوذي من الشيطان وخفي على زوجك ترى مالك بهالدنيا غيره زوجك متعبه الدوام وغرابيل الدنيا بس ياختي هم مايشتكون ولايفضفضون اصبري عليه ودلليه وحبيه يصيرلك احسن لاتقاشرينه وتزعلينه اصبري عليه وكل شي بالحنان والمعامله الزينه يجيب فايده اما خواتك انتي اسالي عليهم وش يمنع لاهين بهالدنيا
اهم شي زوجك
والله يهدي النفوس ويصلح مابينكم
اهم شي زوجك
والله يهدي النفوس ويصلح مابينكم
الصفحة الأخيرة
الله يفك همك ياااااارب ويحنن قلبه عليك ~
اكثري من الاستغفار وبتلقين شي عجيب بإذن الله