انا وسالفة صلة الارحاااااام

السلا م عليكم ورحمة الله وبركاتة

صباحكم ومساؤكم معطر بذكر الله بنات انا بدخل بالسالفة ع طوووووول وبحاول اختصر انا من طلعت ع الدنيا

ماعرفت غير جدي وجدتي لان ابوي توفى الله يرحمة وامي عروس طبعا تربيت بحضن جدتي وكانت اروووووع ام

واحن ولوو اتكلم لبكرة ماوفيها حقها طبعا جدتي تعبت في تربيتي بس ماطولت توفت وانا عمري 17 بعدها

عشت مع جدي سنتين بعدها توفى الله يجمعنا وياهم في جنات النعيم >>>وهينا نقطة التحول بحياتي طبعا

كان في عم مقرب لنفسي واعتبرة بمثابة ابووووي لانة فعلا ماقصر معاي بشي كان يدرسني وانا صغيرة ويصرف

علي وغيرة كثير المهم زوجتة تغااااار مني بس انا احاول اكسبها عشان عمي بسسسسسس

وطبعا عندي اعمام كثيييييير بينهم عمي الكبير عمرة 57 وحنوووون جدا الله يطول بعمرة وانا حاليا متزوجة لي 9

سنوات وسعيدة الحمد لله المهم رحت بالصيفية لعمي الكبير بعد 4 س وتفاجات مرررررررة باستقبال زوجتة لي

لانها كانت تحترمني جدا وصارت مشكلة كبيييييرة بيني وبينها تتوقعون وشي ؟؟؟؟؟؟؟

وربي تافهة السالفة بس بقولها عشان ابيكم تساعدوني براي يريحني من التعب النفسي اللي سببتة لي هالزيارة .

المشكلة هي >>>>ع سالفة البزران عشان تهاوشوا تخيلوووووووا عمرها خمسين وكان ردها صددددددددمة بالنسبة لي لان ولدها ماشاء الله شقي جدااااااا وانا متحملة عشان مابي مشاكل حاولت اتغاضى بس هي مصختها ولدها يطق بعيااااااالي من اول ماجينا تخيلوا وهي ساكتة ولاحتى كلفت ع عمرها وقالت لة عييييب

المهم >>>انا طفح الكييييل قلت ياختي لو سمحتي ترى ولدك طولهاااا قولي لة يشيل يدة عن عيالي بس هي عصبت ؟ وقالت روووووووحي بيتك يضفك انتي وعيالك ؟؟؟؟ بالله وش رايكم بردهااااااا
والله لو يصير الدم للركب بين البزران ماتوصل لدرجة الطرد ؟صح ولا لا ؟

ياااااااالله فعلا الزمن تغير وكنت اتوقع من كل الناس الاهي بس شي مكتوب المهم اخذت اغراضي وع طووول طلعت بس بعد ماعطيتها الرد المناسب طبعا انا ماسكت عطيتها كم كلمة
ولما جا زوجي قلت بمر عمي الثاني اللي بمنزلة ابوووووي >>>>هينا ركزووووا <<<< المهم مريتهم وسولفت مع زوجتة عن الللي صار لي مع مرة عمي الكبير والصدمة اللي ماتوقعتها ابداااااا
وهي متفاعلة معاي المهم شربت فنجان قهوة ومشينا سافرنا بعد كذا جاني كلام ان عمي اللي اعتبرتة زي ابووي وسندي بالدنيا يروووووح هو وزوجتة يعتذرون لمرة عمي الكبييير >>>بالله مو شي يقهرررررر لا ويقولون ان اللي سويتة انا عيييييييييب في بيتهم :44:وربي عورني قلبي وانصدددمت صدمة ثانية وش لون عمي يروح ويقول عني غلطااااااااانة مع اني ماغلطت ؟؟؟وحتى ماكلمني ولا فهم وش السالفة ؟ع طول كذا يركب الغلط علي ؟مع اني ماجلست معاة بس جلست مع زوجتة ؟؟؟ تتوقعون هي اللي لفت السالفة وفهمتة اني انا الغلطانة ؟مع اني مااذيتها بشي ؟؟؟
ورب البيت يابنات لي 3 شهور من صارت السالفة من اتذكرها يطييير النوم من عيني ودي ارسلها رسالة ادعي عليها ؟؟؟
ومرات اقول لا اطنششش ولاكان شي صار بس عشان عمي ؟مدري وش الحل مع هالحريم والغيرة

ومرات ودي اقااااطع عمي عشان يعرف انة غلط بحقي غلطة قووووية :icon33:
بناااات وش الحل ؟ تايدوني اقاطعة ؟مع انة مااااااودي بس هو دايم مع زوجتة ومستحيييييل يسمع لي؟

والله الواحد يحتاااااااار اذا واصل الناس جاتة المصايب واذا تركهم فيها ذنب
ماقول غير الله يهدي الجميع ويعينا ع الدنيااااا
بنااااات بروح انام ابي اصحى القى ردوووووووود عشان ارتااااااح من التفكير اللي اكل عقلي
وهذي وردة لكل وحدة تدخل موضوعي :26: