السلام عليكم:
الله يكون بعونك الامر بسيط بس يبي لك تشدين على نفسك وتزين الامور باذن الله
حاولي تشغلين سورة البقره يوميا وجاهدي نفسك وقبل تبدين الشغل قولي
سبحان الله
الحمدلله
لااله الاالله
الله كبر
33 مره وحافظي على الاذكار تحسين بنشاط وتخلصين شغلك بسرعه .

بنات استغفروا ربكم واحمدوا ربكم على العافيه اللي انتم فيها والله انتم بصحه وعافيه بدل ماتعطونها نصايح تستهزؤن فيها .
اعرف ناس كذا والسبب يكون فيهم مس او سحر وتعرفون الشيطان مايحب النظافه
وشي انا شفته بتعبي حسد اكون طوالي ميت حيلي وكسلانه ماابغى اسوي اي حاجه والسبب الحسد اللي فيني كيف اللي فيهم مس وسحر فتعرفوا اللي بداخلهم كفره مايحبوا النظافه .

وانت قلتي من تزوجتي وانت تعبانه . والله اعلم فيكم مرض روحي انت وزوجك لان زوجك لو مافيه شي ماكان خلاكي كذا ..
رجاء رجاء رجاء تشغلي سورة البقرة طوالي باليوم ماتسكريها ابد وخليها مسموعه في البيت ارقي نفسك انت وزوجك وصلي الليل وادعي ربك وربي ماراح يخيبك ابدآ ..
وقبل لاتنظفي ادعي ربك يسهل امرك ويساعدك وسمي بسم الله الرحمن الرحيم وطوال الشغل استغفري عشان ربي يساعدك ومو شرط تخلصي كل حاجه بيوم واحد لا شوي شوي ابدي بالحمامات لانها هي مكان الشياطين وبخريها وعطريها بعدها روحي لغرفة النوم بعدها للمطبخ وباقي البيت عادي لو تجلسين اسبوع وانت تنظفي مو شرط بيوم واحد عشان ماتتعبي حتى تخلصي بعد ماينظف البيت كله سويلك جدول ولصقيه على باب الثلاجه واكتبي السبت تنظيف مطبخ الاحد غرفة النوم وخلي الجمعه استراحه اذا ترتبتي على حسب الجدول ماراح تاخذ الغرفه الوحده منك غير نص ساعه ويمكن اقل بعد..
اسأل الله ان يشفيكم ويعافيكم ويقويك ويسهل امرك ويستر عليك يارب .

اللي فيك شي مو طبيعي احس عين او نفس

شغلي القرآن ببيتك 24 ساعه حبيبتي

شوفي الحين الشغل متراكم فماراح تتشجعين كل يوم راح تأجلين

انصحك تجيبين شغاله اسبوع تنظف معاك البيت من إلى

وبعدها تكونين تنظمين ايام تنظيفك له

واذا زوجك رافض فكرة الشغاله الايجار اطلبيها من اهلك اذا عندهم وقريبين لك

وتساعدك فتره على الشغل المتراكم وبعدها تتسنع امورك

اسأل الله ان يعينك .. ودامك طلبتي المساعده فانتي على اول خطوه للتغيير بإذن الله

لاتتحطمين من كلام البنات السلبي

تغيري لاجل نفسك ثم زوجك .. صدقيني ساكت ساكت لكن يمكن مايطول الوضع

انتببببهي حبيبتي يطفش من مملكتكم .. حببببي بيتك حبيييه وماراح ترضين تبقين فيه الا وهو نظيف

الله يوفقك وعقبال ماتجين تكتبين موضوع كيف الحريم يجلسون ببيوت مو نظيفه ههههههههههه تفااائلي

ياعمري لاتنسي وصية رسولنا صلى الله عليه وسلم
لابنته فاطمه

عزيزتي.. كلام البنات اعتقد كفايه وقالو تقريبا كل شي جزاهم الله خير
دورك الان مايلي ....
تستعيذين بالله من الشيطان الرجيم وتصلين فجر الجمعه وتعاهدين نفسك على السجاده انك تكوني احسن من كذا
صدقيني انتي فطرتك سويه بدليل انك ماقبلتي الوضع وانتقدتي نفسك

ثانيا ... استعيني بشغاله تساعدك يدك بيدها كلها يومين والبيت زي الفل ابدي بالمطبخ من الى طلعي كللللللل شي في الدواليب والثلاجه وارمي اللي ينرمي وجيبي كروانه ومويه حاااره وصابون وكلور وكل ماتحت يديك يتغسل ويتعقم واذا على المنظفات والله فيري او تايد وكلوروكس وديتول ومويه حاره وملممع زجاج ومنظف افران تقوم بالواجب وزياده
الارضيات والجدران والابواب والشبابيك واي اسطح قدامك طاولات مكاتب رفوف اجهزه كللله تمسيح وتعقيم

غرفة النوم خليها مكان حميم جميل فواح كانك داخله فندق 5 نجوم اهم شي نظافه وريحه وتنظيم
دورات المياه والمغاسل تنظيف من السقف للارضيه والمداااااخل تريها عنوان بيتك مدخلك من جوا ومن برا عنوانك
اختمي تنظيف عشك بريحه جميله بخور او معطر فواحه وشوفي ساعتها كيف نفسيتك
وتشجعي كذا واكتبي لنا تطوراتك اول باول وبنشجع الين تقولي بس

استعيني برب العالمين ومابيردك خايبه صدقيني اخلصي النيه من داااخل قلبك ان عملك هذا احتساب واجر في حق نفسك وزوجك المسكين صدقيني بيسكت اليوم وبكره وبعده وبينفجر انتبهي بارك الله فيك

اخيرا اذكر لك واقعه انا عايشتها ... متزوجه ولكن الله يهديها ويصلح حالها مانتبهت للنصح والتنبيه مره عن مره زاد الوضع اهل زوجها يحبونها ومايصدقون ولدهم قا لهم انصحوها انا تعبت من الوضع وماتعدلت نفس الوضع مع لامبالاه وووووووووو ايش النهايه ... ترك البيت والعيال وامهم خلاها لعيالها ومايقصر عليهم في المصاريف ولا حقوقهم ... وين رااح ؟؟؟؟؟
تزوووووووج وحده مطيرته السما دلع ونظافه وحياااه ثانيه

لاتنتظرين توصلي للمرحله هذي او انه تكون سيرتك على كل لسان وانتي باين عليك عندك استعداد للأفضل
نصيحه قبل النوم اقري الكرسي والمعوذات 3 مرات وشوفي النتيجه ولا تنسين اليوميات عشان نكون معاك
بارك الله فيك لااتنسي الاذكار ...