السلام عليكم حبيباتي:
اتمنى ان تستفيدو من قصتي مع سلايفي
انا تزوجت رجل:arb:من مدينة غير مدينتنا وحصلت سلايف طبعا من قبلي متزوجين
وهم من نفس العائلة يعني انا اللي اجنبية بينهم
واهل زوجي والله والنعم فيهم امه وابوه واخواته حتى اخوانه
بس الطفرة موجودة في هاذولي الثنتين اقصد سلفاتي
طبعا ولله الحمد انا اجملهم في كل شي
وصدقوني كثير يقولولي كذا بس انا كنت احزن عشانهم واقول اهم شي الاخلاق
حتى كنت ادافع عنهم (مرة وحدة عجوز من جماعتهم جت انا لساتي عروس وقالت لخالتي اووه هذي المرة عرفتو تنتقون>> وصديقاتي يقولون شوفي نفسك عليهم ) وغيره من المواقف
والله مثل ماقلت كنت ادافع واقول اهم شي الاخلاق
وكانو هم يسمعون ويلاحظون طبعا
واشتغلت الغيرة النسوانية بس تعدت حدودها حسبي الله ونعم الوكيل
صارو يتقربون مني ويحشون في اهل زوجي ويدبرون مكايد
مواقف كثيرة صارت لي ومشاكل كثيرة بيني وبين ام زوجي واخواته
حتى مع زوجي وفي النهاية اكتشف ان المسبب الرئيسي طبعا هم سلايفي
احيانا اطنش واحيانا اعاتبهم واحيانا واحيانا
بصراحه تعبت معاهم شرهم يوصل لين عندي مع العلم انا عايشة بالرياض وما اروح للديرة الا في المناسبات والاعياد والاجازات
والله اني احمل هم قبل ما اقابلهم او اكلمهم
واي شي اسويه او البسه عيونهم علي كني انا الوحيده اللي بها الدنيا اسوي كذا
لدرجة اني صرت اذا تكشخت اصدع وادوخ واتعب
لا اله الا الله
المهم صرت حذرة جدا منهم ولمحت لاخوات زوجي وزوجي ان المشاكل اللي كانت تصير بسببهم
ويقولون لي احنا نعرف ان هم السبب
ويقولون لي انتبهي منهم ومن شرهم
انصحوني اخواتي وشجعوني وارفعو من معنوياتي
تروني من النوع الخواف
هل اواجههم اذا صار شي ام اطنش واجمعها لهم مثل كل مرة
لا تجرحوني ارجوكم لاني والله صادقة بكل كلمة
ارجوكم قولولي اي شي
احبكم :26:
غابات الزيتون @ghabat_alzyton
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
وثاني شي قبل كل شي لآزم تحصنين نفستس و تستودعين نفستس إنتي ورجلتس
وربي العين حق يالغلا حتى لو مو قصدهم وعادي كبري راستس و ماعليتس منهم
عامليهم زين وكل شي ومصيرهم راح يملوون وربي مايترك أحد بحالوه سبحانه
ولا تنسين الصلاه بالليل و الدعااااء ثم الدعااااء و الإستغفاار طوول الوقت
خليه لا ينقطع ابدا من لسسانتس والله يسخر لتس رجلتس ولا يشووف غيرتس يارب العالمين
و ياالله ياارب انه يرزقنا الأزواج الصالحين واذا كان اللي فـ بالي خير لي ياااااارب
انك تزوجن اياه عاجلا غير اجلا واذا كان شر لي انك تبعدني عنه وتبعده عني وترزقني
اللي أحسن منه وترزق كل بنات حواء الأزواج الصالحين عاجلا غير اجلا
يالله يااارب انك ترزق كل من تبي الذريه الصالحه
يالله يارب انك تنول لكل بنات حواء مرادهن يااااااااارب العالمين