انا وسلفاتي اذا طلعنا البر هذا حالي وحالهم

السلام عليكم ورحمة الله
حبيت افض فض لكم شوي لاني خلاص واصل حدي
من سلفاتي الله يهديهم
زوجي واخوانه ماشاء الله سمن على عسل والله يجعلها دايمه بينهم وبعض الاسابيع تكون بينا جمعه للبر غداء او عشاء المهم العشاء يكون بالقطه بينهم لكن المشكله اني اذا جينا نطلع اسوي كل شي من شاي ومكسرات وحلا والقهوده والتمر والمعمول اشتريه جاهز هذا غير الاشياء الخفايف للصغار من شبس الى عصير الى فشار الى الى عاد تعرفون الطلاعت
لكن سلفاتي زوجة الكبير ماتجيب الا شاي فقط على انها مدرسه وعندها خدامه وعندها ثلاث صغار وانا قلت مدرسه علىشان ماتقول يمكن ظروفهم ماتسمح وسلفتي الثانيه عندها بنت واذا جات يد ورا ويد قدام
وانا ماعندي الا ولد يعني المفروض كل وحده تتجمل صح
اخرها الاسبوع اللي راح
انا سويت شاي وقهوه بملحقاتها من من تمر الى معمول الى مكسرات وكيك وخلية نحل المهم سلفتي الكبيره ماجابت الا شاي والثانيه ولا شي
المهم ولا عندنا الا ثلاجاة قهوه وحده اللي هي حقتي وتشوفين ثلاجتي مسكينه مره عند الرجال ومره عندنا وكل شوي تقول لشغالتها روحي شوفي خلصوا القهوه جيبيها ااااااااااااااااه طيب ليه ماسويتي :16:
طيب بكره زوجي قال ودي اقول لاخواني نطلع نتعشى قلت من عيوني موافقه والله ماودي احسسه اني متضايقه من سلفاتي على شان اخوانه ولا ودي ارفض على شان مااحرمه من اخوانه
وعاد من زين الجلسه معهم اذا طلعنا احس سوالف عاديه لاضحك ولاشي كل وحده تطالع في عيالها ولا على الجوال :06:وش اسوي تكفون بكره اسوي معي شي او لا
انا قلت بخلي طبعي مثل كل مره واخلي كل شي عند الرجال واذا هم جابوا شي خير وبركه ماجابوا براحتهم