انا وسواق الدوام ..ابي رايكم

الأسرة والمجتمع

السلام عليكم ورحمة الله وبركاته

ببدا في موضوعي على طول عشان ما انساه

الله يسلمكم انا اشتغل في مصنع وعندهم مواصلات وانا ياخذني اول وحده وينزلني اخر وحده لانه قريب من بيتنا

قبل فترة اذا ركبت اشوفه يحرك المرايه الى قدام وقلت عادي بعدين اذا طلعنا من الدوام اول مايركبون البنات يرفعها على فوق واذا وصلهم كلهم ونزلت الى قبلي نزل المرايه ويحركها وتكون على اتجاههي مره مرتين وصار على هالحال ويجلس يناظر فيها وانا كنت اجلس في الصف الثاني بعدين صرت اجلس في الصف الاول عشان مايشوفني

الاسبوع الى راح جلس يحرك المرايه عشان يناظر ولا شاف شي التف علي وناظرني يعني وش تحس فيه تناظر وتتلفت
انا خفت من وضعه كل يوم علي هالحال قلت الشيطان حي مامات ومسافه بيني وبين البنات الى يوصلهم واكون لحالي قبل ياخذهم قلت مابي اظلم الرجال وشوي كبير بس مو مره بس ليه يسوي هالحركات صرت ماارتاح واخاف على نفسي

قلت بكلم المسؤل عنه وهو يتفاهم معه احسن وكل مره اقول لا بعدين ماتكلم بس نظراته طفشتني

واليوم جاء الصبح واخذني وحركها وجلس يناظر ناظرت بصدفه ولا نزل عينه علق وهو يناظر خلاص قلبي بغاء يطيح قلت الله يستر وش بيصير وقلت خلاص اليوم اكلم المسؤل

ورحت كلمت المسؤل وقلت له يا يحط ستارة بينا ولا المرايه يتصرف معها بس لايجلس يناظر فيها قالي خلاص بكلمه وان شاءلله خير قلت للمسؤل انا ماتكلمت مع السواق وجيت لك لانك مسؤله وانت تتفاهم معه

يوم طلعنا من الدوام قال من اشتكي علي كل البنات قالوا ماحد وقال مسؤلي يقول ان وحده اشتكت على

يوم وصل اخر وحده قال لها فيه بنات قلت انا ايه باقي انا قال ايه انتي يعني الى اشتكيتي قلت ايه
قال انا ماسويت شي عشان تشتكين وانا احط المرايه اشوف البنات اذا موجودين ولا لا وبس والله مو نيتي شينه وانتوا بعض الاحيان تنامون ولا ادري اذا احد موجود او لا


قلت اسال قل احد فيه مو تحط المرايه وتناظرني كذا قلت طيب مو مشكله نهايه الدوام عشان تشوف البنات موجودين طيب الصبح تجلس تناظر ليه وش بتشوف ماعرف يرد ويرجع على كلامه


قال انا تضايقت الكلام يوصلني من اصدقاي قلا انا بنفسي قلت للمسؤل اني مابي اظلم واتبلا عليك في شي وقلت خلاص يحط ستارة ولا تشيل المرايه قال كان كلمتيني مو تروحين له قلت لا اكلم المسؤل احسن لانه بعدين لو عرف بيقولي المسرل ليه ماقلتي لي انا ليه كلمتيه قال ايه صح
قال ماكلمني المسؤل بس سمعت الكلام من اصدقاي قال خلاص عادي حصل خير قلت مافيه شي تتضايق عليه هذا عمل واي مكان بتكون فيه مشاكل قال لا بس انتي تقولين اني حاطها عشان اناظر قلت انت تظن شي وانا كنت اظن شي لانك شككتني
اذا االبنات موجودين ترفعها واذا نزلوا نزلتها ليه قال البنات يفتشون واستحي اني بناظر وارفعها بس انتي متغطيه عادي ماراح اشوف وجهك قلت لا ترفعها من البدايه خلاص لاتنزلها الا لين ننزل كلنا


عارفه طولت عليكم بس كتبت كل شي بتفصيل لاني تضايقت مدري انا الى غلطت ولا هو ؟؟؟
35
5K

يلزم عليك تسجيل الدخول أولًا لكتابة تعليق.

تسجيل دخول

الريمية...
الريمية...
تصرفك صحيح 100%.... أما هو وتبريراته الله أعلم بالنيات
لكن كذا أحسن عشان يعرف حدوده
حنــوونــه
حنــوونــه
ايه هذا انا الى كان قصدي يعرف حدوده عشان كذا تكلمت وارتاحت لان والله الدنيا مافيها امان والله يستر

والله اعلم بنيه ايش بس يوم قالي تضايقت انا تضايقت قلت يعني انا غلطانه يوم تكلمت بس الحمدلله ارتحت

مشكورة يعطيك العافية

بس مافيه احد رد الاوحدة
الجبل والشمس
الجبل والشمس
اللي سويتيه هو الصح ولا عليك منه حركته تشكك إحنا ماندخل بالنيات لنا الظاهر بس والظاهر مايطمن
عانيت كثير
عانيت كثير
اختي دوامكم بالمصنع مختلط؟؟
حنــوونــه
حنــوونــه
فيه اقسام وفيه منها مختلط وبعضهم لا