مساء الخير ياحبايب قلبي
حبيت اطمنكم علي انا تمام رحت المستشفى امس مع جارتي وزوجها الله يجزاهم كل خير ويرزقهم صلاح وبر عيالهم طبعا اخوي اعتذر يشتغل في شركة وماقدر يطلع لي المهم يوم دخلت المستشفى ودخلت عند الدكتورة جاتني حالة بكاء فضيعة وخوف وارتجف وقالتلها جارتي السالفة المهم اعطتني مهدئات وجلست ثلاث ساعات بالمستشفى واعطوني مغذي وكان ضغطي نازل والدم ينزل على خفيف وسووا لي اشعة لقوا الجنين نبضات قلبه ضعيفة وبس ووصتني الدكتورة اريح مااتحرك واشغل القران طول الوقت عشان ارتاح طبعا وجهي لونه مخطوف باقي مفجوعة انا انفجعت لانهم عددهم اربعة كل سيارة فيها اثنين بامكانهم خطفونا خاصة انا جسمي صغير ونحيفة وماقدر ادافع عن نفسي وشغالتي نفس الجسم صغيرة لوكانت حبشية كانت ارهبتهم المهم ورجعت بيتي ومااتحرك ابد
ودعيت لكل اللي دعوا لي من قلبي واشكركم من اعماق قلبي
كنتم لي بعد الله خير عون من ردودكم فديتكم كلكم
وانا ندمانة ندم فضيع اني طلبت التاكسي يوقف بعيد عن بيتي مابين بيتي والمكان اللي وقف فيه التاكسي الا 3 بيوت
والاخت اللي تقول ليه تركتي عيالك يااختي قلت لك تركتهم امانة عند جارتي وانتي اذا ماتعرفين اهل الجنوب وعلاقتهم ببعض كيف ماشاء فيهم خير كثير كنت اروح مشواري واحط عيالي عند جارتي وهي نفس الشي سوت عملية جلست اسبوع بالمستشفى وعيالها جلسوا عندي حلفت عليها لانها ماتقصر معاي بشي مثل امي واختي لي مع ان اختها عايشة بنفس الحي وزوجها كان يجي يتغدى ويتعشى مع زوجي واكثر شي بفقده اذا رحت بيتي الجديد والله افديها بروحي وحتى اذا جاء عندي احد من اقاربي لازم اناديها تصدقين انها عارفة مطبخي وين اماكن الملاعق والبصل والارز وانا نفس الشي وهذا بس خلال 3 سنوات وزوجي وزوجها يروحون مع بعض الديرة اسبوع ويرجعون وانا استحيت اقول خلي زوجك يودي الشغالة السفارة لانه كان تعبان ومسخن وماخذ اجازة من عمله وطول الوقت وهو متسطح لو اتكلم الين بكرة ماوفي هالانسانة حقها تصدقين انها تنظف لعيالي وههم اعمارهم بالشهور يوم كنت اروح مشاويري في الصباح ماكانت تخلي الشغالة تنظفهم والله يوم جابت ولدها نفاسها كان بيتها مايمسك ولدها الا انا وينظفه لانها اصيلة ونادر وجود جارة بالصفات هذي اختي اللي هي اختي تتقرف تنظف لعيالي وبالنسبة للحجابي كنت لابسة عباية على الراس اصلا زوجي مايرضى البس غيرها فديته وحتى مقفلة من قدام ماهي مفتوحة يعني لو يجي هواء او شي مايبان مني شي الحمدلله
المهم قلت لكم قصة حياتي ومرة ثانية اشكركم
وانا ارسلت قصتي للشيخ محمد العريفي يكثرون في الصيف ندوات توعوية للشباب الله يهديهم يارب
وراح استخير في اني اقول لزوجي اللي صار
استودعتكم الله حبايبي :26::26::26:
نسم علينا الهوى @nsm_aalyna_alho
عضوة جديدة
يلزم عليك تسجيل الدخول أولًا لكتابة تعليق.
ندى التميز
•
الحمد الله علا السلامه
الحمد لله على سلامتك يالغلا
الله يتمم لك حملك بالسلامة
وبالنسبة لجارتك وعلاقتك معها .. معروف إن القلوب النقية تتجاور بإحسان .. ومثل ما قلتي أهل الجنوب علاقتهم طيبة مع الناس ومع الجيران بشكل خاص ( ترى أنا من الرياض وما لي علاقة في الجنوب ,, بس الشهادة لله .. بحكم معرفتي ببعضهم ومجاورتي لهم )
الله يتمم لك حملك بالسلامة
وبالنسبة لجارتك وعلاقتك معها .. معروف إن القلوب النقية تتجاور بإحسان .. ومثل ما قلتي أهل الجنوب علاقتهم طيبة مع الناس ومع الجيران بشكل خاص ( ترى أنا من الرياض وما لي علاقة في الجنوب ,, بس الشهادة لله .. بحكم معرفتي ببعضهم ومجاورتي لهم )
الحمدلله على سلامتك وماتشوفين شر وانتبهي لنفسك وللبيبي
والله يخلي لك جارتك الاصيله
حن كذا يابنات الجنوب راعيات فزعه
والله يخلي لك جارتك الاصيله
حن كذا يابنات الجنوب راعيات فزعه
الصفحة الأخيرة