السلام عليكم ورحمة الله وبركاتة
حبيباتي واخواتي الذويقات من جد والله المنتدى الوحيد اللي بناتة يفتحوا النفس
ربي يحفظكم ويسعدكم ويدخلكم جنات النعيم اجمعين
المهم انا طلبي حبيباتي --- عندي شقة صغيرة متواضعة اكل وشرب عليها الزمن (يعني قديمة )
مكونة من
غرفة نوم مع حمام بمدخل يجي من الصالة
وصالة بالوسط متوسطة مي كبيرة ولا صغيرة ومافيها شباك وابواب الغرف كلها على الصالة وحتى باب الشقة على طول اللي واقف ورى الباب يشوف اللي بالصالة والمساحة اللي اقدر احط فيها كنب تقريبا حرف ال
مطبخ كبير
غرفة نوم (بنات )
مجلس استقبال
الأبواب لونها بني محروق خشبي ما اقدر اغيرها ولا اصبغها لون
انا في حيرة اختار واحتار اخاف تضيق مساحة الشقة و--- بالعربي ما ني مقتنعة برايي لوحدي
والحين ابغى منكم الوان للبوية ايش احط سادة فلفت ملون الوان مريحة وهادئة ابغى ابو الشباب يحس بالراحة بالبيت مو يهج
وابغى ايش نوع الكنب اللي احطة في الصالة والمجلس
وابغى افكار لباب الشقة ابغى احط اي شئ يغطي مو اكون على طول بالوجة
وبالنسبة لغرفة بناتي معاية اسرة من اللي تجي كلها على بعضها مغطاه بأسفنج مثل علبة الكبريت وفيها كفر زي بعض الفنادق قد شفتها عندهم ومشكلة اسرة بناتي القماش ابيض واسود ورصاصي ماني عارفة ايش يناسبة لون دولاب وكمان ستارة ولون الصبغ
بالله بنات ساعدوني باللي تقدرون علية واللي تقدر تنزل صور مناسبة وحلوة تناسب شقتي ربي يوفقها بالدارين
لأني والله ما اعرف ولا شئ بالصبغ والوانها
ولكم مني اروع الدعاء بظهر الغيب ان شاء الله
قنوعة - @knoaa_5
عضوة نشيطة
يلزم عليك تسجيل الدخول أولًا لكتابة تعليق.
قنوعة -
•
بنات لية ما اعطيتوني وجة والله محتاجتكم مررررررررررررررررة
قنوعة -
•
ربي يرفع قدرك ويرزقك جالكسي حرااااام عليك احبة وانا مسوية رجيم اشتهيته الله يسامحك ------
ربي يسعدك
ربي يسعدك
الصفحة الأخيرة