كيفكم يا قسم اطباق حواء من رمضان عنكم لالالا نسيت من شوال
بس دائماّ في القسم المجرب
اليوم بنزل لكم غدانا وعشانا ويا قلبي لا تحزن بس طلعين ناكل وداخلين ناكل الله يديم علينا هذا النعمه
ونتعذر نقول برد ونجوع وهتيك اكل :icon8:
والمغرب القهوة والحلى :29:
هذا غدانا عبارة عن صينية دجاج بالبصل والثوم وملوخية ورز ابيض هذا نفس طريقة الوالدة الله يعطيها طولت العمر ويلبسها العافية
طريقت صينية الدجاج:
في صينية دجاج تقطعينه ارباع وتفرمين كمية كبيرة من البصل والثوم وتحطينة مع الدجاج وكمون وفلفل اسود وبهار مشكل عندك وشوي زيت وتفركين فية الدجاج وخلي باقي الكمية في الصينية وصبي على الصينية ماء حار وخليها على النار فوق تطبخ لين يستوي الدجاج وكل ما نقص الماء زيدي انا اخليها ساعه واذا نشف الماء دخليها الفرن تتحمر من فوق
انا وعيالي نحب الخلطة حقت البصل والثوم ناكلها بالخبز
الملوخية اطبخها مع ماء وماجي وشوفي واذا عندك مرق دجاج من قبل او مرق لحم اطبخيها معه يكون اطعم
اخليها تفور فورتين في خلال هذا الوقت احط ثوم مفروم وشوية زيت احمر الثوم لين يصفر بعدين احط كزبرة ناشفه مطحونة تقريباّ ملعقتين انا احط بالنظر يعتمد على كمية الثوم والملوخية
هذا عشانا :
عصيدة اهل الجنتوب
ومرق لحم
ولبن
هذا يعرفها الجنوبيات اكلة عندنا بالجنوب نسميها العصيدة
عبارة عن ماء وملح اذا فار اكب الدقيق عليها وابتدي انا وهي مضاربة يعني اذا حطيت الدقيق احركها واذا
ثقلت معي انزلها الارض ونتعارك اكثر وارجعها على النار
المهم قصة هذا العصيدة انا اول مرة في حياتي اسويها وهذا انا اعتبرة انجاز قلت خليني اعجب ابو الشباب لان يحبها كثييييير وابغى اسويله مفاجئة ابغى اورية عندة حرمه سنعه >> الناس تحط كيكة وعصير وشموع وانا عصيدة
وقلت لولدي الصغير اذا جاء ابوك وانا لسى اتضارب مع العصيدة لا تقلة خلها مفاجئة عشان ما يشوف الحوسة>> ما صارت ذي مفاجعه
عشان اخذك معي المهم الولد فتان راح قال لابوة لما دخل وجيت افرش السفرة قال زوجي بسرعه جيبي العصيدة >>> قهرني ولدي ما يعرف يحفظ السر
واعجبت ابو الشباب وبعدها قلت يا بنت فرصة ما تنعاد اطلبي الا تبغينة وقمت رصيت الطلبااات كلها >>> حريم ما نخلي طبعنا ادري كثرت كلام واعطيتكم قصة حياتي :icon19:
والحين اخليكم في حفظ لله
ربي يسلم الايادي يارب
دائما تمتعينا باكلاتك وهرجك الفاضي والمليان خخخخخخخ:)
تسلم الايادي الحلوه
اعجبني الدجاج ان شاء الله اطبقه