انا وصديقتى والله ضايق صدرى

السلام عليكم
بنات اسمحولى انى اكتب لكم مشكلتى وحازه بخاطرى

انا صديقتى علاقتى فيها مره قويه بالمدرسه واسراها عندى واسراى عندها

بس علاقتنا دايما تكون قويه بالمدرسه وبالاجازه تقل كثير كل مابين فتره وفتره ناخذ اخبار بعض

بس هالسنه زادت علاقتى فيها بشكل مو طبيعى

بس الحين جيت العطله انا دايما اكلمها واسال عنها وهى وماتتصل على ولا تسال عنى

وعن احوالى الا اذا بغت حاجه لمصلحتها تتصل على >>> والله شئ يحز بالنفس ليش

انا اهتم فيها وهى ماتهتم بى هالعطله ماتصلت على الى مره وحده تسالنى عن شئ

احنا تخرجنا هالسنه من الثانويه

المهم انا رحت الجامعه مادرى انها بتجى ولا هى قالت لى

هى تدرى انى انا بروح بس ماقالت لى انها هى بتروح يوم شفت والله تفاجأت وخنقتنى العبره يوم

شفتها والله انى اعزها ولها محبه بقلبى

يوم رجعت البيت كلمتها وقعدت اسولف معها واقول لها ترا انا زعلانه عليك

قالت لى ليش بعدين قلت لها انا بسكر وانتى كلمينى لانى انا طولت بالجوال معها

المهم هى اتصلت على من جوالها والله انى ماخذنا تقريبا دقيقتين قالت لى بسكر

وشوى وانا واكلمك قلت اوكى طبعا ولا كلمت لانها راحت الجامعه مره ثانيه

اوكى المفروض بعد مارجعت كان كلمتنى تدرى انى انا زعلانه ومضايقه ولا اهتمت هاذا اللى

ضاق صدرى والله لو هى مضايقه كان ماخليتها ابدا

وهى تدرى انى انا ماقصر معها

بعدين كلمتها بالمسن اقول لها انى تعبانه ومضايقه قالت لى ليش

قلت لها انك انتى ماتسالين عنى ولا تهتمين منى وقلت لها على سالفه يوم اكلمها بالجوال

انك ماتصلتى على ولا خذتى بخاطرى ولا سالت وقلت لى وشفيك؟

وانا اكلمها مادرى شفيها احس انها مو فاهمه او انها تضيع السالفه

مادرى شفيها قلت لها خلاص انا مافينى شئ

وبعدين سكتت عاااادى والامر طبيعى عندها وانا ميته قهر

ليش ماتسال عنى وانا دايما اسال عنها واكلمهاواخذ بخاطرها وهى ماتعاملنى نفس المعامله ..

فى المدرسه كانت تسال عنى وتاخذ بخاطرى بس بالاجازه تنسى انى انا صديقتها

بنات شسوى والله انى اعزها واحبها وانا ادرى انها هى تحبنى بس ليش

اذا جت العطه تنسى اللى بينا

مادرى شسوى

انا ودى اكلمها بس اقول لا المفروض هى اللى تكلمنى لانها تدرى انى انا تعبانه ومضايقه

لى كم يوم مادرى عنها والله انى ولهانه عليها وهى ماكلمتنى و لا سألت عنى انا مازلت مضايقه

بسبب عدم اهتمامها ياربى شسوى

انا ابغى اكلمها بس كبريائى مو سامح لى

شرايكم بنات من الغلطان هل انا معى الحق او لا

والله انى ماراح ازعل منكم ابغى الحق بس


انتظركم لاتطنشونى