اصلا انتي ليش وايد مسوتلها سالفة اصلا هالاشكال ماتنعطى وجه انتي طيبة وعلى نياتك وهي تعرف كيف تتكلم ويمكن عندها اسلوب لف ودوران
شي من الحريم منهاذاالنوع
المهم عليج ببيتج وزوجج..محد بيدوم لج صدقيني وحد بينفعج وانا خويتكحتى جارتك خلي علاقتك معاها سطحية لآنه الناس الحين غيرررر
الله يسخر لج زوجج ويخليه لج صدقيني زوجج يحبك وانتي حافظي عليه من هاي الاشكال ماتعرفين الناس حساد حتى على اللقمة اللي تاكلينها

أختي مرة عبدالله

انا بعد صارلي نفس الموقف
بس تأكدي ان بعد الزواج يبان معدن الصديقة
وهذا اللي خلاني اتكيف مع بعد بعض الصديقات لأن اللي يباني استمر
هذي مو صديقة عمر هذي صديقة لحظة

صديقة الدراسة
واللحين هي مو فاضية التمسي لها عذر
وبصراحة أنا لومنك احمد ربي وابعد عنها وش تبغين يصير كل ماصار عندك شي زين حسدتك عليه؟؟؟
انا عن نفسي الصديقة الغيورة ابعد عنها لأن اعصابي ما تتحمل قط الحكي من حقودة او غيورة
كفاية متحملة اهل زوجي
واللحين ولله الحمد عندي صديقات غاليات جدا جدا
الله يعوضك
وبالنسبة للسر انتي انسيه أول ولا تخلينها تعتقد ان مهم
صدقيني الحاحك غلط
واذا ضاق صدرك عن حفظ سرك فصدر غيرك عن حفظه أضيق
وش بتسوي بتتصل على زوجك وتقول هذا سر زوجتك؟؟؟؟وزوجك أهبل يصدقها وهو من البداية مو مرتاح لها
انتي تعمدي تحكين قصص لزوجك عن صديقة ضرت صديقتها وتبلت عليها يعني كأنك قريتيها من جريدة
ومرة قولي جابو بالأخبار كذا كذا
فإذا صار شي لاقدر الله زوجك بيسترجع هذي القصص ويقولك ابعدي عنها

تحياتي

الشيهانه ماقصرتي وهذا اللي بيصير خلاص
....
ونات حزينه انا خلاص قررت والله هداني عنها هو مو سر مهم بالمره بس كان مضايقني وهو يخص زوجي بالدرجه الاولى وقلت لها لاني كنت محبطه في هذاك الوقت
00000
ام جنان مشكوره حبيبتي انا خذت درس وزي ماقلت لونات حزينه هو ما يخصني لايروح تفكيرك لبعيد
000
الف شكر لك اخت ردت على وساعدتني في قراري

عادي ياحبيبتي طنش تعش تنتعش على قولتهم وياما بحياتك بتصادفين من هالاشكال توثقين فيهم وتعتبرينهم اقرب قريب وفجأه تكتشفين انك أسأتي الإختيار لكن تدرين ليش لأنك على نياتك وتثقين بالناس وتتعاملين معهم بصدق ونيه طيبه ... أسأل مجرب ..

ماتنفع تكون صديقة مقربة
عادي حبيبتي خليها من بعيد لبعيد وكوني سطحية جدا
مايحتاج لاتفكرين ولاتحتارين
ولا تفقدينها يعني اذا جت جت واذا راحت الله يستر عليها

دمتي بخير