انا وصديقتي الغير متزوجه/ استوفى

السلام عليكم ورحمة الله وبركاته
اتمنى من المتزوجات الفاهمات بطريقة التعامل مع النوعيه اللي انا تورطت فيها يدلوني وش اسوي
انا عمري 26 متزوجه الحمدالله والشكر وعندي ولد (ماشاءالله)
المهم عندي صديقه غير متزوجه مزعجه تتعمد احراجي بس تتصل علي وتشغلني وانا معطتها اشكل لاصار زوجي بالبيت ماارد عليها ابدا واذا طلع رديت وليت ماارد تمسكني سوالف لدرجه اني ابي اتزين قبل يجي زوجي بس احس انها ماتبي تسكر التلفون وهي حاسه انها مشغلتني ومبسوطه بحركاتها وتقول انا ع قلبك وماتسكر الا اذا سمعت صوت زوجي جاء قمت ماارد على تلفوناتها احس ان لها قصد بحركاتها
ومره جت عندي بالبيت اقسم بالله دخلت غرفة نومي بدون اذن وشافت كريمات خاصه واحرجتني مره وكل شوي تسالني وعدت السالفه ع خير وبلعتها زي غيرها
انا بعد الزواج تغيرت من كل ناحيه طبعا شي طبيعي بس هالبنت مدققه فيني بشرتك تغيرت صحتك تغيرت نفسيتك تغيرت انقهرت منها قلت اكيد ارتحت ولقيت احد مريحني وغيرني للافضل قامت تقول اخطبي لي او كلمي لي خطابه او خلي احد من جماعتكم يخطبني ياناس احراج وربي مادري وش ارد عليها اصرفها مرات واقول انتظري نصيبك ومرات اقول ماعندي رقم خطابه انا صرت اخاف من عينها ومصدومه من جرأتها معي يعني اهم شي مصلحتها تحصلها باي طريقه وقلت لها اقري البقره واستغفري وادعي ربي يرزقك والزواج مو كل الحياه ومو كل متزوج مبسوط
الحاصل ماعدت ارد عليها ابدد وقلت لزوجي ابغير رقمي ولا راح اعلمها هل تصرفي صحيح لان خلاص ماعاد هي زي اول تناسبني وفاضيه واخاف تسبب لي احراجات ومشاكل باتصالاتها هل انا ع حق ولا مكبره الموضوع لاني مااحب اجرح احد والله