انا وصديقتي بالهوا سوا( تكفون ردوا عليها)

السلام عليكم ورحمة الله
انا لي صديقة جدا غالية علي ولانها ما تقدر تسجل في المنتدى طلبت اني اطرح مشكلتها وهي راح تقرأردودكم وتشكركم سلفا عبى مساعدتها................
صديقتي هذي تزوج عليها زوجها قبل 4سنوات ونصف(يعني اخذت صدمة الزوجة الثانية قبلي ب6اشهر ههههههه) المهم ان وضعها كان عكس الناس يعني زوجها طار فيها بعد زواجه والحين بدأيتغير (والطبيعي انه يتغير بعد زواجه وبعدين يرجع لطبعه الاولي) المهم هي من فترة 3 اشهر حست ان زوجها متغير عليها حاولت تساله بس يقول مافي شي وابدا مايحاول ينام معها مع انها كانت تقول لي انه ماكان يقدر يصبرعنها اسبوع واحد بالكثير وكان يقضي وقته سهر او تلفزيون وبعدين ينام وباءت كل محولاتها بالتقرب اليه بالفشل والبرود وفي هالفترة قضت ليالي وليالي بالبكا والهم حتى اصابها القولون العصبي وهو لا حياة لمن تنادي والغريب انها اذا قابلت الثانية ترا فيها كل علامات السعادة والراحة النفسية مما يزديها قهر.. واللي زاد الامر سوءا انها لاحظت انه يسمح للثانية بلبس اي شي ويصرف عليها بدون حساب لانها ربة منزل وصديقتي تعمل مدرسة متوسط وعندما واجهته بذلك وبانه لا يعدل وانها اصبحت متأكدة انه لايحبها وضعها في موقف حرج وهو ان يواجهها مع الزفت الثانية وهي رفضت لانها تعلم سبب ذك وهو اما ليكذبها امام الاخرى او يقول لها بطريقة غير مباشرة لا عاد تتدخلين فيها وقابل بكائها ببرود شديد وابتعد عنها اكثر من الاول فهل كان من المفروض انها تشوف تغيره عليها وتسكت وانها تنتظر يعترف بحقوقها الزوجية متى ما حب انه يتحسن عليها مع انها قالت لي من كثر ماكنت احبه اول كنت ابدع له بهالاشياء بس الحين صرت اكرهها وحتى بالمرة الوحيدة اللي صارت خلال هالفترة كنت من داخلي كارهتها ..صديقتي محتارة وتقسم بالله انه في شي مغير زوجها بس لاهو قاله لها ولاهي قادرة تعرفه وهالشي اثر عليها قدام الناس فحبه لها بالاول خلاها تواجه الناس بزواجه وهي مثل الجبل اللي ما تهزه ريح بس للاسف انها وبتصرفاته معها الحين خلاها على وشك الانهيار لانها حست انها طلعت من قلبه وعقله بعد وكل اللي بنهم الحين ما يخص اولادهم وبس ولانها تناقشت معه صارت هي الشينة ام المشاكل وذيك هي الطيبة المسكينة...صديقتي تسألكم بالله انكم تساعدونها لانها تعبانة جدا وانا حاسة فيها لان الرسول صلى الله عليه وسلم استعاذ من قهر الرجال اعاذنا الله جميعا منه
واعذروني على الاطالة بس الامانة ثقيلة وهي حملتني امانة اني انقل لكم مشكلتها مثل ماهي بدون زيادة او نقصان ومشكورين