انا وصديقتي ورأيكم يهمني!!

السلام عليكم ورحمة الله
كيف الحال
شو اخبار الناس الطيبين

مساء الورد او صباح الورد >>>> على حسب قراءة كل وحدة


ياخواتي "وأنا صادقة بالكلمة" وبدون مقدمات
حصل لي موقف اليومين ويمكن هالموقف بنظر أي وحدة بسيط لكن بالنسبة لي جلست افكر فيه ليل ونهار

القصة انا لي صديقة من ايام المتوسطة يمكن لنا 10 سنوات
اول ثلاث سنوات تعرفت عليها كان العلاقة بيني وبينها سلام وسلام عليكم
كلمة ورد غطاها.. بس هذا اللي بيني وينها..
يعني مااحبها ولااكرهها
لكن فيها صفة هو ان شكلها الظاهري يبين انها هادية بالمرة لدرجة الملل والنفور
وانا مااحب اللي طبعه كذا واحسها مغرورة بزيادة
واكيد كل واحد منا يكون انطباع عن شخص اول مايشوفه
وهي كانت عكس ماوصفتها
ولاعرفت طبعها هذا الا بالمرحلة الثانوية

وكانت من احلى مايكون .. عسل مصفى
ويوم قوت علاقتنا وصرنا صديقات بدل الزمالة جلسنا ندردش ونسولف
قالت لي يارسهونه انا بالمتوسطة كل ماشوفك
احسك طيبة بالمرة
كنت احبك ومعجبة بشخصيتك
وزيادة انك غامضة
وانت وش رأيك فيني قبل؟؟

انا صراحة تفأجات وقلت تبين رأييي بصراحة بدون زعل ..
قالت: ايه مثل ماقلت لك
انا رديت عليها وقلت كلامي اللي فوق
هي جلست تضحك وتقول يانصابة انا احبك وانتِ تقولي كذا
ومرت السالفة ومرت السنين
يمكن تقريبا حوالي سبع سنوات
وخلال هالمدة كل ماتكلمنا عن العلاقات والانطباع الاول سواء مع ناس نعرفهم اولا
لازم تقول اللي بيني وبينها
وانا صراحة احيانا اشيل بخاطري بعدين اسلى واقول هذي صديقتي
ليش ازعل؟؟
اكون سخيفة وصغيرة عقل لو سويت كذا!!!


هاليومين صار موقف جلست استرجع ذكريات زمن مضى
حسيت نفسي ماقلت ايام الثانوي كلام خطأ أو يزعل

وحتى لو قلت كلا م قوي ويزعل .... علاقتنا والمواقف اللي بيني وبينها
بين الاخوات ماتصير من قوة علاقتنا
وتقوم تزعل!؟؟؟

والموقف هو
كنا شلة بنات ندردش عن ذكريات الدراسة وايام المراهقة
على مواقف لها اقل شئ سبع سنوات
وكان فيه نقطة مشتركة ان قبل مانتعرف على بعضنا
كنا نكره بعض بشكل
لكن يوم تجمعنا شواء بالثانوي او الكلية
حسينا صفاتنا غير
اخلاقنا غير
تعاملنا مع بعض صار احلى واحلى...

وجلسنا نتكلم عن بعض انت كنت كذا
وانت كذا وهات ياسوالف على ودنه

انا قلت موقف لي مع صديقتي "والموقف سخيف بالمرة"
يوم كنا بالمتوسطة
كان قاهرني بجد وقتها "تفكير بزران ذاك الوقت"
وانا اقوله على سبيل المزح وسعة الصدر
حتى البنات كانوا يقولون عنها اشياء وهي تضحك
ويوم قلت الموقف والموقف بسيط جدا جدا مايقارن باللي تكلموا فيه البنات
مادريت الا يوم تغير وجهها
كاني قلت شئ خطأ وكبير
وكانها صارت بموضع دفاع عن النفس
وقالت انت كنت ماتبيني ولاتحبيني
يعني كأن الكلام اللي تقولينه هالحين مو على حسن نية
يعني هذا تفكيرك ونيتك
وقامت ورجعت نفس الاسطوانة
اني كانت ماابيها واكرهها ولاأحبها

وانا بالاساس ماكان رايي كذا فيها
انا انصدمت بقوة..
وصمتت
مااقدر ارد..
صديقتي تقول عني كذا!؟

بعد شوي شافت التغير اللي صار لي
جت وقالت قدام البنات
انتِ وش فيك زعلت وحطيت بخاطرك حنا نمزح
وانا يوم اقول كلامي قلت اللي كان بتفكيرك ايام الثانوي

بغيت اقولها طيب انت ليش انفعلت لكن سكتت

لكن اللي ارغمني اسكت
انها اول شئ عاتبتني قدام البنات ليش ماخلت العتاب بيني وبينها هذا اذا كنت غلطانة
وانها مانست الكلام وهو تافه من سبع سنين
وصراحة مااقدر اصارحها بعد الموقف هذا
شئ له سبع سنين والا الان مانسته

والاهم من كذا احسها عطتني درس اني مااصارح أي انسان غالي على قلبي وعزيز بعد موقفها
هذا وهي صديقت مانست اجل الاغراب وش يقولون


عارفة اني طولت ويمكن تقولون المشكلة تافهة
لكن انا حساسة ولا ابي احد يزعل علي
وكذلك انا ماعندي احد افضفض عليه
ويعطيني حلول ويعيني ويساعدني
بعد الله الا انتم
يعني وش رأيكم؟؟؟؟



ودمتم بود...





اختكم