شلونكم يالغلا
ياعساكم بالف خير
بنات ابي رايكم بموضوع له فتره شاغلني
بس لي رجائين
الاول الي ترد علي تفكر زين قبل ترد علي وتحط نفسها قد ما تقدر بمكاني
الثاني اللطف ثم اللطف ثم اللطف في ردها فما كان اللطف في شئ الا زانه
ولها الف شكر لمحاولة مساعدتي
نجي للمشكله
عندي صديقة هي اللي تبقت لي من الزمن الجميل
طيبه حنونة رقيقه حساسه وافيه وتعزني جدا ولها مواقف كثيرة معي
بينا اشياء كثيرة تجمعنا ووارتاح كثير معها
ولانها مي كامله والكامل الله
عندها نقطة ضعف واحده
يارب انك تستر عليها وتهديها
الا وهي الرجال
هي طبيعتها دلوعه بس تزيد وغير كيذا من يومها مو ذاك الحشمة
والله لو انه هندي ببقاله لا تقعد تسولف وتتميع معه ساعه ترى طبعها حتى معنا كيذا بس المفروض من باب الدين
مع الرجال الواحد يحتاط لعرضه ومايخضع بالقول ياما قلت لها ونصحت لها لدرجة صارت معها تخفي عني مغامراتها
واقصد الهاتفيه على الاغلب او الشي اللي تدري اني بهاوشها فيه
اللي صار اني الان تزوجت
احيان تتصل على البيت ويرد زوجي الا مايجي بعدها يسال من ذي المايعه اللي دقت
احيان نتقابل بمكان عام مطعم او كفي ويوصلني تجي تكلمني وهو مابعد راح
وطبعا بميوعه
يعني ومن ذي الحركات راقبتها لقيتها مع كل الرجال كيذا والله لو زبال وزوجي صار لاجت سيرتها يعلق فلانه دلوعه
وانا يوم صار الدعوى زوجي قمت اتحسس بدون ما ابين لثقتي ***** الله بربي وبنفسي
لكن ضايقني ا نه زوجي ملاحظ انها كذا وكذا بدليل صار يمنع جمعات السوق وعلى قولته انتي اثق فيك بس فلانه الا ما عبايتهااو ااسلوبها بالكلام
يلفت الانتباه لكم
وصار يبيها بيوت وهي لاجيتها الا ما ترزز بفتحة الباب او شي
جارتي وتعرفنا حنا الثنتين تقوووول قاطعيها لاتخرب بيتك وانا بين نارين نار زوجي ونار صديقتي
وانا صرت اغيب وارجع احيان اقطع ثم ارجع اقول الهادي ربي وهي مهي اعز من اللي لاسافرنا برا يقعد ييصكصك معهن سواليف اما يسال او يناقش او الي على البحر متسدحات بها المايوهات ولايستر عوراتهن الاخيوط
وارجع اقول لا
لو
جت منها جرحي بيكون اكبر وبقول انا السبب
وبيني وبينكم
متأمله فيها خيرررررر
متأمله تستقر وتتغير
ترجع وتلتزم
شي يتغير متحسفة في عشرتها
انا مالي خوات وهي من سنين اختي
تكفون وش رايكم
مابي تعميني غيرتي ولا ابي اجني على نفسي
الله يطمن قلبي وقلوبكن
بس تكفون اي وحدة تقرر تفتيني في امري تتأنى قبل ترد علي
وهذي لكن
